唐記包點 (港鐵香港站)

营业中

休息中

近期大热嘅Melody包😍，虽然我唔钟意Melody，但系禁啱去买早餐嘅时候就见到有得买，所以买返过嚟试吓。原来个包唔系长期有存货喺度，系要指定时间先会有返货，仲要每一间分店都唔同，店员仲话返货量唔多，有时可能得10个8个，怪不得啲人疯狂咁去排队买。不过我今日就好好彩，谂住买个菜肉包，点知就撞到有Melody包，既然咁难买又比我遇到咁梗系要买过嚟试试啦。买咗一个Melody头嘅红豆包，同一个粉红色Melody嘅菜肉包。原来好靓嘅Melody头红豆包系冻包嚟嘅，买完返去要自己蒸，冻水落包蒸8分钟。粉红色Melody菜肉包就系热食嘅，味道同平时嘅正常菜肉包系一样，个人认为只系变咗粉红色同多咗个Melody公仔。红豆包蒸完8分钟之后， Melody个样裂开咗，怪得得佢净系买冻包唔买二包啦。虽然裂开咗，但系个样都系靓嘅，冇甩色。味道来讲呢，见到一粒粒嘅红豆绝对唔系𠮶啲红豆沙嘅红豆蓉，味道有少少甜，但系都叫做有好香浓嘅红豆味。都值得一试嘅，不过我应该就唔会再买第二次。