名寶石餐廳

营业中

休息中

无心插柳谂住去花墟行吓，记得之前喺面书见过有人介绍呢间餐厅，时间大概12:30之前。上到去2楼，需要攞飞排队等咗10分钟就可以入去，一个人比两个位唔使搭枱，入边嘅气氛热闹得来好怀旧感觉，有一面大玻璃可以望出去，坐喺窗边应该都好正，午餐价钱$135有+1，点咗一个牛仔骨配薯菜，首先嚟一个红汤，应该都算出名，蔬菜份量足够，仲有一暖暖地嘅餐包同埋一个牛油，然后就系牛仔骨，我钟意佢煎香表面，而且份量亦都好足够，配菜方面有西兰花加椰菜花仲有好大堆粟米，之后就上咗一个冻柠茶，柠檬摆设都几靓嘅，最后就系甜品，有布甸同啫喱我拣咗啫喱，佢random俾咗个提子味我都OK嘅，我见有啲枱系上绿色唔知系乜嘢味，最开心嘅就系仲有一个小小嘅淡奶可以加埋落去一齐食，以前嘅味道一下子翻返嚟，呢间我应该都会再嚟帮衬嘅不过屋企嘅老人家已经行唔到楼梯啦，下次可能要选择喺楼下不过似乎位置就冇楼上咁宽躺。