食鮮

营业中

休息中

突然心血来潮想食串烧，就同朋友去左—》食鲜～座位都阔落，坐得舒服！而且烧物款式都多～咁岩系《食鲜》既3周年志庆，入座（18:00-22:00）二人即送虎虾刺身，满四人送三文鱼刺身！同朋友都系好钟意刺身，再另外点左剑鱼腩加三文鱼，厚身三文鱼好香，纹路亦好靓，剑鱼腩肥美！刺身够鲜甜～皇牌二人餐：烧大虎虾、扇贝、生蚝、鸡软骨、脆肉瓜、鲭鱼同安格斯牛仔骨！烧虎虾真系好大只，比我手掌仲大只，肉质弹牙够新鲜～而扇贝同生蚝都好厚肉，烧完唔会好干，肉质鲜甜，鲜美多汁，而且有大量烧蒜、葱粒系面，超香喷喷，令人食指大动～鸡软骨比出面烧物店大粒，烧得金黄脆口，咬落软骨位超软香，令人回味无穷！脆肉瓜都几大件，食落新鲜爽脆，脆肉瓜味道清淡配串烧蒜酱，真系好夹！鲭鱼烧得好靓，色泽分明，鱼肉唔系好鞋，相反好鲜同嫩滑，色味俱备！安格斯牛仔骨，呢个推介必点，牛仔骨超软身，有阵阵牛油香，而且好重牛味，咬落会有肉汁好Juicy，烧既时间岩岩好，口感超饱满，令人大饱口福！等既时间唔算耐，烧物质素高，价钱合理中位价，除左烧物，仲有鸡煲，羊腩其他食品，必定会再黎！