뽀끼 正宗韓國小食 (已結業)

今日系旺角睇完医生 同细妹见旺角咁多野食就食埋先返屋企。见到呢间韩国野地方细细，但d小食相当吸引，一于食呢间！韩式杂锦小食，里面有炸饺子，韩国年糕，肉卷等。加左韩国辣酱同甜不辣既汁，酸酸甜甜，开胃好吃食韩国野又点少得炸鸡，呢个芝士炸鸡芝味香浓，炸鸡够脆，肉超嫩。最正呢个小食台湾肉燥饭就食得多，韩国炸酱面你试过未？肉燥虽然卖相唔多好 乌卒卒咁，不过配乌冬原来系好夹架~~感觉有d似食日本沾面，都系比较杰身既汁 沾落面一齐食，味道更浓；仲有d莲偶粒，咬落有口感几得意呢间店既小食胜在份量小，可以点几款，一次过试唔同滋味。而且食物质素唔错，比我想像中既街头韩国小食出色好多。下次再经过一定再试