度小月 (海運大廈) (已結業)

我和友人放工本身谂住求其喺尖沙咀揾食，点知我地行左入海港城😂行左一阵都未揾到，好多都好多人排队，就行埋去LCX，之后见到度小月，又见唔系太多人排，就拎左张飞，20个number 最后都等左30分钟。入到去已经系晚上9点，店员已经同我地讲9点半last order。点完野食，某啲菜式嘅上菜速度系快。但睇得出佢系一次过出哂同一道菜嘅所有order，如果咁岩你落单嘅菜式岩岩出完，又未收到你张单，咁你就有排等。极速上左嘅祖传肉燥人饭同埋担仔面，价钱平，但份量真系几细，细食嘅女仔都未必够饱。蚵仔酥 (好有炸花生味，但味道淡左啲)综合丸汤 (普普通通)灸烤胡椒肉(好肥，减肥人士注意! 呢一味系要等得耐啲)整体份量都好少，大食嘅人要叫多啲先岩岩好。因为度小月系我对台湾嘅初认识，有一种情意结，所以香港一试未免有点失望。