有囍 (已結業)

是日落雨湿湿想食d暖野但又唔想打边炉，所以黎左宝屋企附近既有囍呢间餐厅经过左好多次都好多人，今日终于有机会入黎试下喇门口贴左好多明星相，但今日入面冇乜人，唔知会唔会伏左呢一入到去侍应姐姐就好亲切问我地使唔使帮我地套遮套，服务态度唔错内里都好干净企理餐牌都好多选择，好多都想试但今日病病地又唔可以食太辣同唔饮得酒个碟好靓汤浸芥兰清清地岩哂我呢个病人，都好大碟㖞胡椒虾有四只虾系里面，胡椒味好香好重，好惹味！炒贵刁又系劲大碟。。好足料好够镬气！欣赏d腊肠一d都唔肥！肉骨茶系我至爱既药材味，感觉好好好补！肉同怀山都煲到好稔！水果茶超级超级足料！劲多生果，成壶好重荔枝同蜜桃味，好天然既甜～最后当然系黎个甜品作perfect end啦！我估唔到有成块燕窝系入面！超滋润！必叫！见到隔离台叫左胡椒蟹好大阵象好劲咁，下次再黎一定要试！两个人食咁多碟野真系超级饱！！