老北方餃子館

营业中

休息中

住喺附近咁耐都唔知有间好嘢喺熟食中心，网上见到介绍即刻仆黎试下，星期六十二点零唔使等位。四款口味既饺子，送番茄蛋花汤，系咁多一心一意品尝北方饺子。一碟十二只，水饺或煎饺，本身觉得太多打算叫一款但女友唔食羊我又想试羊，最终都叫左两款，煎京葱羊肉饺，北京豆苗猪肉水饺。皮唔算薄，但食落无一口粉头既感觉，而且唔腻，馅料新鲜，羊肉有香港少有食到既真正羊肉味道，回味到喺江苏食到新鲜黑草羊肉既味道。女友既豆苗饺重点喺豆苗度，无将豆苗切得太碎，保留咬口而且食得出豆苗独特既味道。食完无口干，无加味精既食店值得赞扬。果然不错。