影片
更多
2021-09-10
778 浏览
好钟意呢间呀！装潢靓食物正值得写返个食评做纪录！一入到去，要填纸仔，店员已经好helpful咁讲日期同时间比我知（我成日都唔记得要睇电话，哈）虽然只系平日嘅夜晚，而且时间尚早，但系都几full下～今晚两个人食，我哋一齐食意粉、饭同甜品，好饱暖心卤肉饭：呢间餐厅唔只一般𠮶啲西式意粉，仲有台式便当饭。啲饭好多（我觉得如果我一个人食下次要叫少饭），一粒粒好好食，卤肉都唔系太多油，五花猪肉唔会好肥（不过有啲人可能钟意食肥啲），溏心蛋好靓。如果需要仲可以走葱（order时店员会主动问）。仲有蛋花汤同木耳小食，果然暖胃又暖心！佛罗伦斯花枝干贝面：一上碟香气扑鼻，两粒带子大大只，应该唔系煎好耐全熟，所以先咁厚肉冇缩水又唔韧。仲有鱿鱼圈，一样好好味。不过建议大家都要趁热食，我为咗等齐同影相都搞咗一段时间先起动，个面就冇咁热。同埋虽然唔干身，但我钟意再多啲汁会更加好！京都宇治抹茶红豆松饼：因为爱文芒waffle已经卖晒，拣咗次选呢个。本身犹豫加唔加转麻薯馅，碍于太饱就留返下次先试啦。好钟意佢个摆盘，心形好靓！而且佢嘅雪糕系哈根大师，有质素保证除咗粒马卡龙（COFFEE味）甜得济，两个人分享啱啱好！影咗好
一入到去，要填纸仔，店员已经好helpful咁讲日期同时间比我知（我成日都唔记得要睇电话，哈）
虽然只系平日嘅夜晚，而且时间尚早，但系都几full下～
今晚两个人食，我哋一齐食意粉、饭同甜品，好饱
暖心卤肉饭：呢间餐厅唔只一般𠮶啲西式意粉，仲有台式便当饭。啲饭好多（我觉得如果我一个人食下次要叫少饭），一粒粒好好食，卤肉都唔系太多油，五花猪肉唔会好肥（不过有啲人可能钟意食肥啲），溏心蛋好靓。
如果需要仲可以走葱（order时店员会主动问）。
仲有蛋花汤同木耳小食，果然暖胃又暖心！
佛罗伦斯花枝干贝面：一上碟香气扑鼻，两粒带子大大只，应该唔系煎好耐全熟，所以先咁厚肉冇缩水又唔韧。仲有鱿鱼圈，一样好好味。
不过建议大家都要趁热食，我为咗等齐同影相都搞咗一段时间先起动，个面就冇咁热。同埋虽然唔干身，但我钟意再多啲汁会更加好！
京都宇治抹茶红豆松饼：因为爱文芒waffle已经卖晒，拣咗次选呢个。本身犹豫加唔加转麻薯馅，碍于太饱就留返下次先试啦。好钟意佢个摆盘，心形好靓！而且佢嘅雪糕系哈根大师，有质素保证除咗粒马卡龙（COFFEE味）甜得济，两个人分享啱啱好！影咗好多相食完饭唔使另外揾糖水舖都食到靓嘅甜品真系好方便～
野梅荔枝冰沙：好大杯，唔只打卡一流，味道都唔错。我好怕啲好甜嘅糖水/药水味饮品，所以拣野梅荔枝想酸酸甜甜+清新啲，落单嘅时候仲特登问一问有无得少甜少冰𠮶啲，虽然固定甜度，但除咗个旧cream，整体饮落都唔会太甜！
百香果鲜柚茶：未搅匀嘅时候饮就只系饮到好甜嘅糖水，笃完啲西柚饮好好多，啲西柚仲要大大片，超正呀！
P.S. 想order嘅爱文芒甜品同珍奶sold out有啲失望，希望下次食到啦！
张贴
