影片
更多
2023-12-06
459 浏览
皇室宴会厅有分几个区买餐，今次就去咗和风区试吓。和风区除咗儿童餐，主食基本上就系两款拉面餐同一款寿司餐主食外都有啲小食可加配。因为系和风区，食物都系日式嘅。套餐包汽水或柠檬茶，如果唔想饮可以加钱转其他饮品。鸡翼同虾系炸好咗放定系取餐柜台等人要就夹。拉面我见厨师喺入面煮紧，可能系即叫即整嘅。不过皇室宴会厅人流比较多，啲嘢去得好快，系唔系即叫即做效果可能都差唔多。我今次就叫咗日式吉列炸虾 猪骨汤拉面套餐。一如既往，皇室宴会厅啲主食取餐𠮶阵时系会有个盖。可能系保温亦都可能系有‘宴会’ feel啲。开盖后嘅卖相都唔错💕原本因为担心啲面会煮得过软，嚟乐园都唔太敢叫汤面，怕佢预早太多做浸到太软。但呢度完全冇呢个问题，啲面软硬适中，个汤底又唔会过咸过淡，喺乐园可以食到咁嘅质素真系喜出望外😄吉列虾虽然唔系即做但都仲好脆，炸粉当然唔够日式炸物专门店做得咁好，但至少唔会太厚👍🏻呢个套餐正价系$150。我有迪士尼金卡所以有82折，折后$123。都算几抵食👍🏻至于皇室宴会厅个环境更加系冇得输嘅。室内用餐区用走廊分两边，两边中央都有一个公主同王子跳舞嘅白色雕像，一边系美女与野兽、一边系灰姑娘同王子。我今次就坐咗
和风区除咗儿童餐，主食基本上就系两款拉面餐同一款寿司餐
主食外都有啲小食可加配。因为系和风区，食物都系日式嘅。
套餐包汽水或柠檬茶，如果唔想饮可以加钱转其他饮品。
鸡翼同虾系炸好咗放定系取餐柜台等人要就夹。拉面我见厨师喺入面煮紧，可能系即叫即整嘅。不过皇室宴会厅人流比较多，啲嘢去得好快，系唔系即叫即做效果可能都差唔多。
我今次就叫咗日式吉列炸虾 猪骨汤拉面套餐。一如既往，皇室宴会厅啲主食取餐𠮶阵时系会有个盖。可能系保温亦都可能系有‘宴会’ feel啲。
开盖后嘅卖相都唔错💕原本因为担心啲面会煮得过软，嚟乐园都唔太敢叫汤面，怕佢预早太多做浸到太软。但呢度完全冇呢个问题，啲面软硬适中，个汤底又唔会过咸过淡，喺乐园可以食到咁嘅质素真系喜出望外😄
吉列虾虽然唔系即做但都仲好脆，炸粉当然唔够日式炸物专门店做得咁好，但至少唔会太厚👍🏻
呢个套餐正价系$150。我有迪士尼金卡所以有82折，折后$123。都算几抵食👍🏻
日式吉列炸虾 猪骨汤拉面套餐
$150
34 浏览
0 赞好
0 留言
室内用餐区用走廊分两边，两边中央都有一个公主同王子跳舞嘅白色雕像，一边系美女与野兽、一边系灰姑娘同王子。
我今次就坐咗贝儿公主𠮶边。公主像周围都有仿蜡烛灯台，好有feel😍
而左右墙上面都有唔同迪士尼公主嘅图画。显示唔同公主故事嘅唔同场景。而对住室外嘅墙身更有彩绘玻璃窗。
皇室宴会厅喺迪士尼嚟讲都算比较受欢迎。我11点几去到，食完12点过啲出嚟门口已经开始人流管制，等入去条队都几长吓，仲不断有人加入排队。
如果大家想去食午餐，唔想浪费时间排入餐厅嘅话，建议11点几或之前嚟到。
张贴
