碧士文 (東利商業大廈)

营业中

休息中

👍🏼抵食指数：⭐️⭐️😋好食程度：⭐️⭐️⭐️⭐️想食到厚厚啖啖肉嘅 #猪扒 ， 相信钟意食猪嘅你会喺Pigsman一定揾到。一间特务主题餐厅（有种Kingsman皇家感觉，但变咗做猪），以 #猪肉 为主食，甚至薯条都唔系薯仔嚟炸，都系猪肉嚟仲要唔系靭，第一次食好有惊喜！今次试袋鼠外卖，难得自取有半价，所以一嚟试佢嘅 #卡邦尼温泉蛋焗猪 ， #威士忌BBQ猪扒饭 ， #葱油猪扒饭 。除咗威士忌BBQ猪扒饭比较好食之外，卡邦尼温泉蛋饭，同埋葱油猪扒饭，反而就有少少失色了。后两者都偏咸，特别卡邦尼嘅汁比较多，猪扒都比较靭，食起上嚟冇威士忌BBQ猪扒饭咁好食。而威士忌BBQ猪扒饭，BBQ酱加上威士忌嘅酒香味，食起上嚟好有惊喜，亦都好特别。幼长嘅黑色外卖铁盒，再配上威士忌嘅酒香味，确实有种英国王室嘅贵气，食起上嚟都觉得自己有少少皇家特务嘅感觉。