皇室甜品 (城南道)

营业中

休息中

朋友上嚟食宵夜，四个人每人叫左一碗糖水，分别系芒果双丸、热开心果糊加汤圆、芒果紫米露同埋原盅椰皇炖蛋白。芒果双丸芒果冰沙算棉滑而且唔酸，有清香的芒果甜味，亦都唔系假甜。表面仲铺左大概七至八粒嘅芒草果，配上烟韧小丸子和芋丸，算是不过不失的搭配。开心果糊加汤圆朋友叫左热嘅开心果糊，加左芝麻汤圆。试左一啖觉得有少少奇怪，开心果味唔太出，有啲似杏仁糊味。不过好彩啲汤圆系正常味道，都叫可以接受，但我同朋友们下次应该唔会再叫。芒果紫米露另外一个朋友叫左涷食嘅芒果紫米露。同芒果双丸一样铺左大概七至八粒嘅芒果粒，芒果粒食落算甜，唔同嘅系上面仲有少少芒果果蓉，而果蓉就有少少酸，而且捞埋啲紫米露，味道变得有啲奇怪。另外，呢间啲紫米露比较稀，太过流质好似沟淡左咁。原盅椰皇炖蛋白最后一个朋友叫左呢个甜品，外卖拎走都系原盅椰皇咁上，入面系椰子味嘅炖蛋白，呢款系我哋叫左四碗入面觉得比较好食嘅一碗。有好大阵椰香味，蛋白都好滑，而且食比系椰子嘅清甜，所以碗糖水唔算太甜，适合一啲唔钟意食太甜嘅朋友仔，惟有不足嘅地方就系同上一碗糖水一样有啲太稀，唔够固体，亦都可能外卖关系溶左少少。