Carolyn Robb The Royal Touch Cafe (已結業)

同朋友黎海港城行街, 行到咁上下搵地方坐下, 朋友提議黎呢間high tea, 因為話係英國皇室御廚開, 見唔需要排隊, 一試無妨.要左個皇室下午茶(2位用), 賣相好精緻, 用既餐具碟都好美觀華麗.頂層有英式鬆餅, 鬆餅較硬身, 唔太鬆軟, 加埋D醬口感會好D.中層有炸蝦多士, 鴨肝車厘軟包, 黑松露雞蛋酥皮撻, 雞胸燴大蔥酥皮批.炸蝦多士比較乾身, 幾脆口. 鴨肝車厘軟包鴨肝無咩味道, 面層既醬酸酸地味道唔錯.雞蛋酥皮撻, 外皮炸得幾香脆, 雞蛋加埋黑松露好香. 雞胸酥皮批夠酥皮, 不過雞肉焗得鞋口D.底層精選英式西餅, 呢幾款西餅就普通D無咩特別, 不過蛋糕幾軟熟.