富臨皇宮皇室1號 (已結業)

约咗三位多年冇见嘅小学同学聚旧。就大家方便，拣咗位于尖沙咀童军总会地库嘅富临皇宫皇室①号。我哋四人，分别点咗菜、鱼、肉同伊面各一个。浓汤鲜竹浸皇帝苗蔬菜红绿相影，相当吸引，皇帝苗嫩绿，散发出特殊的芳香气味，增加浓汤嘅鲜美，别有一番味道。清蒸沙巴仔清蒸沙巴仔做法其实吾简单，除咗鱼要够新鲜外，控制火候相当重要，先达到鱼鲜肉滑嘅效果。条鱼蒸得啱啱好，再将滚油均匀淋喺葱丝同蒸鱼豉油上面，肉质够鲜甜嫩滑。大澳香虾骨大澳出名虾酱，今次吾使入大澳都可以回味到虾酱咸香味。香虾骨肉质肥瘦均匀，充满虾酱的浓香味。虽然闻起来好腥，但喜欢食嘅人觉得那股特有嘅咸鲜味令人回味无穷。不过就炸得略为老身。芝士波士顿龙虾伊面用上汤烹调的龙虾同芝士酱铺上伊面上面，令伊面充满海鲜的滋味同芝士味。面条分明，吾会太淋，喺一个邪恶但又好味嘅面食。今晚饭聚，食物同小学校园生活同样令我哋回味。