阿一豬扒酸辣米綫

营业中

休息中

五十蚊。本身外卖要加一蚊，但我自己想环保一啲，于是带左两个盒去，一个放粉，一个放汤，唔怕整淋啲粉，所以唔使比𠮶一蚊。姐姐态度良好，佢叫我入去放低啲盒晌哥哥附近出餐个位度。原本谂住唔使用胶袋，因为我带左个环保袋。不过有啲辣汁整污糟左放粉𠮶个盒……最后哥哥都系要用一个胶袋包好我𠮶两个盒，以防辣汁或者汤水漏出，整湿我个环保袋。个胶袋亦唔使额外比钱。落左单之后，我仲谂紧我系咪要带埋个吉嘅水樽来装豆浆？点知原来唔使！佢地嘅豆浆系一支支独立包装。份量抵食，食晒成个粉好饱。粉上有啲一粒粒嘅潮式酸菜﹑花生，口感不错。豆浆也适合用来解辣。