影片
更多
2020-09-03
425 浏览
搭地铁嘅时候经常见到皇玥嘅月饼广告，我一向都唔钟意食传统莲蓉月饼，但就对新派嘅月饼几有兴趣😛。呢日去旺角行街，见到近朗豪坊转角有间「皇玥」嘅地舖。我进内八挂下之际，店员就已经好热心咁向我介绍。另外，货架好整齐咁摆放著各式各样嘅商品。不过其实我早有目标，就系睇月饼🙈。我朋友都有兴趣想试下啲月饼好无食，先决定买唔买，所以我买咗一盒同佢一齐试，不过买五盒就平啲！题外话，值得一赞嘅系店员服务超贴心👍，因为出面落紧雨，所以佢主动帮我用胶袋笠住个纸袋，咁就唔会淋湿啦。👨🏻🍳时尚系列Fancy Series：经典流心双辉月饼Classic Assorted Lava Mooncakes 👨🏻🍳 (原价:$338, 优惠价$288)月饼包装盒劲靓😍，湖水绿色嘅盒成个宝箱咁，送礼一流！六个月饼分两层咁放，每层一款口味、三个独立包装月饼。赏味期限为2020年10月18日，咁即系中秋过后半个月都仲食得🏮。月饼系迷你Size，一次食哂一件都唔会太Heavy，而且甜度适中。流心奶黄Lava Custard，呢个系我至爱嘅月饼口味😋，奶黄带点牛油同咸蛋香，最重要系佢真系流心㗎！有时热辣辣蒸起嘅奶黄包都未必有呢
搭地铁嘅时候经常见到皇玥嘅月饼广告，我一向都唔钟意食传统莲蓉月饼，但就对新派嘅月饼几有兴趣😛。呢日去旺角行街，见到近朗豪坊转角有间「皇玥」嘅地舖。
我进内八挂下之际，店员就已经好热心咁向我介绍。另外，货架好整齐咁摆放著各式各样嘅商品。不过其实我早有目标，就系睇月饼🙈。
我朋友都有兴趣想试下啲月饼好无食，先决定买唔买，所以我买咗一盒同佢一齐试，不过买五盒就平啲！题外话，值得一赞嘅系店员服务超贴心👍，因为出面落紧雨，所以佢主动帮我用胶袋笠住个纸袋，咁就唔会淋湿啦。
👨🏻🍳时尚系列Fancy Series：经典流心双辉月饼Classic Assorted Lava Mooncakes 👨🏻🍳 (原价:$338, 优惠价$288)
月饼包装盒劲靓😍，湖水绿色嘅盒成个宝箱咁，送礼一流！
六个月饼分两层咁放，每层一款口味、三个独立包装月饼。赏味期限为2020年10月18日，咁即系中秋过后半个月都仲食得🏮。月饼系迷你Size，一次食哂一件都唔会太Heavy，而且甜度适中。
流心奶黄Lava Custard，呢个系我至爱嘅月饼口味😋，奶黄带点牛油同咸蛋香，最重要系佢真系流心㗎！有时热辣辣蒸起嘅奶黄包都未必有呢个效果，所以当一切开佢就爆浆嘅时候，我真系几惊喜。
流心芝麻Lava Sesame，利申一向对芝麻制品一般嘅我都觉得几好食🤤，流心方面睇图已经说明一切。我估唔到黑芝麻做月饼口味原来都几夹，并且融入咗咸蛋黄味，毫无违和感。芝麻月饼好食过芝麻糊或者芝麻夹心汤圆好多！
由于几好食嘅关系，我分到嘅四粒月饼喺到手后两日就已经食哂🤣。我哋一致认为月饼系可以再入手的，我仲有啲兴趣想试埋流心姜汁𠮶款口味。另外，月饼其实连榴连味都有，但留番俾爱好者吧。
总括嚟讲，我对皇玥嘅两款经典流心月饼好满意💯，果然系大师级水准；无论月饼味道定外盒包装都值得拎好高分数，特别系有真．流心效果！不过价钱就偏贵少少啦，加上考虑到月饼本身比较的骰；如果可以嘅话同朋友夹份一齐买多几盒就会平啲😜。
张贴
