深井陳記燒鵝酒家

营业中

休息中

话说有朋来自远方，难得黎香港当然要尽地主之谊带朋友食好西，朋友说晚饭想食一些比较有风味地道的菜，我认真谂谂深井烧鸭都系一个唔错既选择，就带朋友去陈记食。深井陈记烧鹅有两间店，一间系商业中心总店，另一间就系附近，今次就选择左商业中心呢间，室内有冷气，我地被安排住到卡位都几阔络。黎得呢到当然必点最驰名既深井烧鹅，我地人不算多，所以就叫左一份例牌($145)，其实例牌都唔少，好多肉，唔怪得个个都话深井烧鹅皮脆肉嫩，食过先知系咩一回事，外皮真的烧到脆脆，又唔会有好打戈肥膏，再沾上酸酸甜甜既酸梅酱，零舍开胃。深鹅的拍档濑粉($12)当然又点少得，清清的上汤濑粉一人一碗，濑粉不碎容易夹，一啖烧鹅一啖濑粉令朋友都大赞好味只系烧鹅濑粉并不足够，我地见有好味推介系蒜蓉粉丝蒸圣子皇($38@1只)，叫左两只一人一只，上枱时刚蒸好，蒜蓉味超香，粉丝又唔会话干左，圣子都算大条！见好似差d惹味小菜，就黎多个椒盐鲜鱿($88)，鲜鱿上的炸蒜好香口，略略觉得椒盐可以最多少少会更加惹味，每条鲜鱿不会太大条过韧。最黎都食饱饱，原来仲有糖水赠送，系久违的番薯糖水，甜甜的，好完满的一餐。