Cafe Paradise (已結業)

今日全女班去旺角教协行街街，湿平完当然要揾间cafe hea下医下肚。上网见呢间小店离教协吾远，而且有我地钟意食既猪手，所以决定黎呢度一试。跟餐包沙律、餐汤、餐饮、主食同甜品，好丰富丫。同行fd好钟意呢个红菜头忌廉汤，赞味道特别，无一般忌廉汤咁“流”。香脆猪手绝对系我地既卖飞佛，外皮香脆吾油，肉汁结实吾鞋口。比起德国咸猪手，呢只猪手无咁咸，怕食太咸既人岩哂。外皮微脆，肉质够嫩，好易切。侍应话炆左成日先攞去焗，心机野，怪吾知咁好味啦 。猪手底下仲有人人都钟意既炸薯角，新鲜炸既，点少少烧汁，正。黑松露意粉都几好味，菇同黑松露份量都够足料，意粉爽得黎又挂到d汁，吾错。两三个人分享都无问题。最后黎埋个跟餐甜品 - 朱古力雪糕。朱古力味非常浓，同超市买既朱古力雪糕吾同，呢个奶味吾重，甜味亦吾重，食完成球都吾滞，饭后甜品岩哂。侍应话menu上既主食都可以加钱变成Set dinner，选择多左，带拣饮择食既fd黎都吾怕。环境几warm，小敍gathering岩哂。