CK Bistro (已結業)

同男朋友2:00先去食饭，见到外面几high class。店舖虽然唔大，但见入面客人坐得舒服，似多熟客。店舖有一边系透明玻璃，见到师傅系入面煮野食。老细好nice，有礼健谈，会同客人互动，虚心问客人意见餐汤是忌廉南瓜蓉汤，南瓜蓉颗粒分明，非常浓郁，上面的面包粒更是为餐汤锦上添花。放在一起，感受到不同的层次，正！饮完汤无耐就黎main dishes, 我叫左香煎三文鱼扒伴意大利饭。一黎就闻到意大利饭入面野菌同黑松露既香味，忍唔住先试左一啖。它不同其他我食过既risotto，一啲都唔会腻，好creamy，同埋好多唔同种类（起码3、4种）既蘑菇，一啖已经有好多口感，食到我哗哗声，男朋友都忍唔住食左啖。三文鱼扒外脆内嫩，皮脆肉滑，脆到好似炸咁，但肉唔会感觉好漏或者好干，超好食男朋友叫左香草烧鸡（半只）配南瓜薯蓉，鸡皮脆到有声，一切落去d汁同油即刻涌出黎，非常juicy。煎南瓜同煎蒜头都好香甜，平衡返烧鸡既油香。老板见男朋友用刀叉切到手忙脚乱，好贴心咁提供埋手套(加分)薯蓉都冇求其hea过去，除咗盐同胡椒仲落左rosemary调味，口感顺滑。