影片
更多
2017-12-12
194 浏览
冻冻地除咗食腊味, 最好不过就系打边炉, 暖粒粒, 今日3只为食友嚟尖沙咀揾食, 椰子鸡煲都唔错啵, 就呢间四季文昌, 反正好耐冇食椰子鸡煲。习惯食早, 18:00 的早食鸟。四季文昌从门口到室内餐厅嘅装修都好特别, 门前的文艺书柜, 室内的古董玩具摆设及别致的墙饰, 配合埋柔和及光暗分明的调节, 餐厅视觉效果很丰富, 加埋舒服的梳化位及宽敞卡位, 未食已经加晒分。佢地最出名系椰子鸡煲, 三只一定唔会错过啦, 食椰子鸡煲己经系2年前系深圳的四季。调味料系佢哋嘅自家调配酱油, 附送沙姜、青柠及指天椒, 可以按个人需要自行调配酱油。睇完餐牌决定叫一个2-3人份量的冬日套餐, 食物种类非常多样及丰富, 另加1碟牛肉, 色彩缤纷的食物, 摆到成枱都系, 即时觉得好肚饿添, 套餐包括以下食品;冬日套餐 （$438/2-3人）原味椰子文昌鸡 (半只)圣诞三文鱼刺身海南沙姜脆猪手安格斯牛小排 (小)海南手工丸健康野菜篮养生菇菌篮日本稻庭乌冬食物先来系小食及三文鱼海南沙姜脆猪手猪手皮非常爽脆弹口, 配佢地嘅自家沙姜酱汁, 蒜蓉、沙姜蓉、葱粒及椒盐等调味料, 香香辣辣, 好正！圣诞三文鱼刺身食椰子鸡煲竟
习惯食早, 18:00 的早食鸟。
四季文昌从门口到室内餐厅嘅装修都好特别, 门前的文艺书柜, 室内的古董玩具摆设及别致的墙饰, 配合埋柔和及光暗分明的调节, 餐厅视觉效果很丰富, 加埋舒服的梳化位及宽敞卡位, 未食已经加晒分。
佢地最出名系椰子鸡煲, 三只一定唔会错过啦, 食椰子鸡煲己经系2年前系深圳的四季。
调味料系佢哋嘅自家调配酱油, 附送沙姜、青柠及指天椒, 可以按个人需要自行调配酱油。
睇完餐牌决定叫一个2-3人份量的冬日套餐, 食物种类非常多样及丰富, 另加1碟牛肉, 色彩缤纷的食物, 摆到成枱都系, 即时觉得好肚饿添, 套餐包括以下食品;
冬日套餐 （$438/2-3人）
原味椰子文昌鸡 (半只)
圣诞三文鱼刺身
海南沙姜脆猪手
安格斯牛小排 (小)
海南手工丸
健康野菜篮
养生菇菌篮
日本稻庭乌冬
食物先来系小食及三文鱼
海南沙姜脆猪手
猪手皮非常爽脆弹口, 配佢地嘅自家沙姜酱汁, 蒜蓉、沙姜蓉、葱粒及椒盐等调味料, 香香辣辣, 好正！
圣诞三文鱼刺身
食椰子鸡煲竟然有三文鱼食, 好似有啲九唔搭八, 但其中一个三文鱼控就劲开心, 三文鱼颜色鲜艳有光泽, 鱼脂肪分布理想, 系三文鱼鱼腩部份, 戒了三文鱼的我都忍唔住口夹起一块....拈少少芥末及几滴鱼生鼓油, 入口嫩滑肥美, 鱼油常丰富。
四季文昌椰青 ($42)
开波前叫定一个四季文昌椰青配火锅, 椰青冰凉解渴, 清热又滋润, 火锅绝配。
原味椰子文昌鸡 (半只)
四季文昌选用正宗新鲜海南文昌鸡, 文昌鸡在海南饲养最少150日才运港, 有品质保证, 汤底用海南椰子肉及椰水调配, 椰子不但清甜滋润, 兼有滋阴补肾及化痰润肺的药用功效。
鸡放锅约7分钟, 把油份撇走, 即成既滋补又清甜滋润的椰子清鸡汤, 除咗食鸡, 落汤底打边炉前, 我还饮了一碗清鸡汤, 又甜又润又清香, 超好饮
文昌鸡拥有走地鸡的肉质, 皮脆肉爽却不散嫩口, 且鸡味浓郁, 即系我地成日讲嘅....鸡有鸡味, 鸡皮望落好肥, 食咗两块, 其实唔油腻, 口感有点脆。
昆布鲣鱼汤配黑毛和牛肩胛肉 （冬日套餐加配+$158）
食晒啲鸡, 鸡汤又饮咗一半以上, 火锅正式开始, 昆布鲣鱼汤 or 牛肉汤底, 我地选了较清的昆布鲣鱼汤, 汤底鲣鱼味颇浓, 够清够香。
健康野菜篮
我地食火锅嘅策略就系先食菜和丸, 后食牛肉, 咁样蔬菜就会较少油, 心理上觉得健康啲, 新鲜蔬菜有生菜、娃娃菜、红萝卜及日本少南瓜, 日本小南瓜好粉甜呢。
养生菇菌篮
至于菌类就有海鲜菇、冬菇、本菇及鸡髀菇, 菌类对身体好有益, 有饱肚感觉, 属于健康食品, 吸收埋昆布汤底, 鲜甜美味。
海南手工丸 ~ 黑松露墨鱼、丸龙虾丸及贡丸
黑松露墨鱼丸 ~ 清香滑溜
龙虾丸 ~ 爽滑, 不过就唔觉有龙虾味。
贡丸 ~ 爽口有菇香
呢度丸类反而 so so, 欠弹牙口感, 我觉得佢哋可以做得好啲。
安格斯牛小排 (小)
打边边最常食的牛肉, 肉色红润有光泽, 肥纹唔多, 食落有咬口唔韧, 冇咁腻。
黑毛和牛肩胛肉
好明显黑毛和牛肩胛肉油花较多, 来自佐贺县的极品和牛肩肉, 是牛的肩胛部份, 运动量够多, 肉质结实富弹性, 薄薄一片, 灼两下, 入口微弹, 肉味浓郁, 又不失嫩滑, 由于供应量很少, 特别珍贵。
日本稻庭乌冬
今晚有两个牛魔王喺度, 二碟小牛排及黑毛和牛肩胛肉又点够候呢？今日系预祝圣诞节, 三只都话食好啲, 叫多碟靓牛慰劳下自己咁话
日本山形 A5 和牛西冷 （$438）
果然系一分钱一分货, 我跟另一牛魔王双眼都发光了, 牛肉肥瘦比列完美, 三分二瘦肉, 三分一肥肉分布平均, 肥瘦纹理清晰, 口感微弹细嫩之余, 不失香浓牛鲜, 超正, 世界大美好了, Merry X'mas everybody
张贴
