袁記雲餃

营业中

休息中

最近牛头角开咗袁记云饺，朋友话佢有好多分店，见系屋企附近就试下。门口有开放式厨房，睇到包饺子过程，见到多款口味饺子，吸引度大增😂想试多啲选超值套餐，有饺子/云吞，小食同饮品。我点咗全家福饺子🥟。一碗包含6种不同口味饺子，对有选择困难嘅我啱晒😂。我喜欢紫菜鲜肉饺，紫菜味突出，加上好少食到。另外荠菜饺同韭菜饺都好味，配上广式鲜汤，食到饺子原味。另外鲜虾蟹子云吞🦐配鲜汤，都系招牌必食。云吞皮薄又滑，里面有爽口鲜虾，加埋蟹子同猪肉，鲜味十足。小食有裙带菜、泡椒鱼皮、煎饺同酱骨架。玉米鲜肉煎饺🌽煎得香脆，食落清甜好味，喜欢粟米配埋鲜榨玉米汁更加夹。饮品我喜欢捷荣港式奶茶☕️，味道香浓顺滑，茶味浓厚，要提神每日一杯唔少得。捷荣系好多茶餐厅都有，估唔到现在系饺子店都饮到。