深味餃子 (已搬遷) 新店位置

吃货小妹跟得小胖男友多 由唔钟意食饺子 慢慢感染到变成钟意食饺子 开始识得欣赏饺子既美味但好多时 好食既饺子店都比较旧同地方窄 不过最近误打误撞系荃湾广场附近食左间新派既饺子小店 有别传统饺子店 座位寛敞舒适 仲好干净落好单 店员姨姨好快就拎左我地order既野饮同每人一兜免费既腌萝卜天气冻左又闹肺炎 所以小妹试左热既苹果雪梨山楂水 系呢个非常时期润一润肺 味道酸酸甜甜好开胃 饮完即刻可以食多几只第一次食鹅肾 比食开既鸡肾大块 但又好爽口饺子可以双拼 我同小胖男友谂都唔驶谂 汤饺拣左韭菜猪肉同云耳椰菜猪肉饺汤饺每只都非常饱满 皮好薄 但又唔易穿 晶莹剔透不过最正系舖头自家既袐制辣椒油 香而不辣 提鲜一流煎饺同样可以双拼试多个味 但可惜最想试既野菌松茸猪肉饺卖晒 唯有拣黑松露芝士加再encore云耳椰菜猪肉饺 煎饺皮薄 煎得好脆 小胖男友对香喷喷既黑松露芝士饺更系赞口不绝呢间饺子店绝对可以encore再帮衬