餃舍

营业中

休息中

估唔到呢个好旧嘅小社区，都有咁好食嘅新派小店。佢哋嘅手工饺子系必食，每一只都好大只，要分几啖先食完一只。而且皮薄同埋超多馅。我同屋企人试咗汤饺（粟米猪肉）同煎饺（芫荽猪肉），两样都好好食。但个人觉得汤饺比较出色少少，可能因为啲饺子渗入咗啲猪骨汤味。饺子餐仲包埋饮品（可选豆浆或汽水），几抵食！另外都嗌咗牛柳粒拉面，个汤底都几香同唔太油。店面企理，不过唔系好多位，最好避开食饭时间先去。又或者住附近嘅可以嗌外卖，而且仲可以平少少。