影片
更多
2011-01-24
1958 浏览
母亲大人要提早团年, 大家唔想佢煮到一头烟, 提议叫个盆菜.上openrice搜寻, 口碑最好的几间位于元朗, 山长水远, 又冇车, 头痕结果听阿妹介绍, 话以前食过呢间四季盆菜味道唔错, 最好系有得送货.打去问, 服务态度良好, 总人数是八个, 都唔系好擦得, 佢推介个细盆$488, 要鲍片鹅掌蚝鼓就加$200.长沙湾区送货系5-7点, 毋须落订. 一切好似好顺利咁, 到了团年当日, 3点几, 有个女职员打嚟, 话个盆菜要7点3至到.预感会出事......预感会出事......预感会出事......预感会出事......结果大家都估到, 等到7点3, 开始打去催, 佢话叫司机覆, 覆鬼覆马咩, 结果迟成一粒钟.我都知, 就嚟过年, 生意好忙, 样样都贵, 要节省成本, 悭住悭住, 系都唔租多部车, 话知个客等到颈都长, 宁愿俾人闹..........其实租多部车, 除匀一个客几多钱啫 因小失大, 都唔知佢系精定笨?讲返个盆菜, 虽则是4-6人, 咁我地6大2小当然系食唔哂啦. 内容方面, 正如佢外卖纸所的, 有萝卜(最多),枝竹(好味),猪皮(好味),花菇鱿鱼(唔错,)腩肉(好硬)
母亲大人要提早团年, 大家唔想佢煮到一头烟, 提议叫个盆菜.上openrice搜寻, 口碑最好的几间位于元朗, 山长水远, 又冇车, 头痕
结果听阿妹介绍, 话以前食过呢间四季盆菜味道唔错, 最好系有得送货.
打去问, 服务态度良好, 总人数是八个, 都唔系好擦得, 佢推介个细盆$488, 要鲍片鹅掌蚝鼓就加$200.
长沙湾区送货系5-7点, 毋须落订.
一切好似好顺利咁, 到了团年当日, 3点几, 有个女职员打嚟, 话个盆菜要7点3至到.
预感会出事......预感会出事......预感会出事......预感会出事......
结果大家都估到, 等到7点3, 开始打去催, 佢话叫司机覆, 覆鬼覆马咩, 结果迟成一粒钟.
我都知, 就嚟过年, 生意好忙, 样样都贵, 要节省成本, 悭住悭住, 系都唔租多部车, 话知个客等到颈都长, 宁愿俾人闹..........
其实租多部车, 除匀一个客几多钱啫 因小失大, 都唔知佢系精定笨?
讲返个盆菜, 虽则是4-6人, 咁我地6大2小当然系食唔哂啦.
内容方面, 正如佢外卖纸所的, 有萝卜(最多),枝竹(好味),猪皮(好味),花菇鱿鱼(唔错,)腩肉(好硬),鱼蛋中虾切鸡(都唔错,)肥鸭(真系好肥, 仲要多数系鸭颈),莲藕(第二多,)香芋(最好味,不过得几旧),鲍片鹅掌蚝鼓(份量都系好少, 唔值得加两百)
至于味道, 十分中有七分啦, 而且食完冇口干, 证明佢冇重手落味精, 呢样抵赞.
都系𠮶句, 迟成咁, 几难有下次
张贴
