不toast不快 (已結業)

之前去韩国旅行就食过唔少呢一种盒装吐司，终于而家都可以喺香港食到啦，而且喺葵广，好方便！叫咗个汉堡扒流心芝蛋吐司，呢度好贴心，餐牌都会写明晒有啲咩材料系入边！呢份入边有猪柳蛋汉堡、蛋、椰菜丝、芝士、碎茄酱。佢个炒蛋做得好滑！面包皮有用牛油煎过，所以食落好香口，而且系好松软嘅。另外要咗份香蒜焗大啡菇蒜蓉吐司，蒜味好突出，啱晒重口味嘅朋友，而且啡菇好多汁！呢度仲有其他小食㗎，佢啲小食嘅名都几有趣，就叫做一个三角关系，入边呢就其实系墨鱼饼嚟嘅。炸得好香脆，入边嘅墨鱼好足料。而且呢度嘅价钱亦都好相宜，又够饱肚又抵食。呢度系落单即整，所以大家可能要等多一阵！但都系值得的。