影片
更多
2021-07-08
4445 浏览
自疫情开始，都无专登走去食自助餐喇，因为觉得感染风险少少高，不过，随着疫情缓和，加上之前去过两次「宅渡假」，都包自助早餐，睇到酒店都做咗唔少防疫安排，啲人亦颇自律，所以，对自助餐嘅感觉都安心不少。本土个案勉勉强强算喺28日清零，豪一餐当应吓景吧！拣「柏景餐厅 」除质素外，亦因为有大嘅折扣，以及方便我哋啲美孚人，食完搭西铁两个站就到。因为相对小弟嚟讲，都真喺好就脚，计及多年喛都嚟过好几次，餐厅嘅环境无咩大变，但甜品摆放嘅位置就有所调动，摆得更集中。而餐厅简约时尚，地方宽敞，座位编排得唔算密，枱与枱都隔开得一定嘅阔度。由于今期嘅主题喺 「泰•寻味之旅」，泰菜一向都几受港人欢迎，而场地布置都可以睇到花咗唔少心思，有唔少相应主题嘅装饰，近正门一边嘅布景版，真喺见到有啲姐姐专登企晌度打卡，直情当去咗泰国一转。上文都讲过佢哋嘅自助餐经常有折扣优惠，平日成人一位收$608，预早经官网订位并缴付全费最高去到6折呀！上文都讲过依家啲酒店做自助餐，都加强咗好多防疫安排，好似呢度咁，有部份食物需由厨师服务，就算喺自取嘅，都有晒透明胶罩冚住，再者，凡出去拎食物嘅客人，都需要戴上口罩。讲咗咁多，一于去片睇吓有咩
因为相对小弟嚟讲，都真喺好就脚，计及多年喛都嚟过好几次，餐厅嘅环境无咩大变，但甜品摆放嘅位置就有所调动，摆得更集中。而餐厅简约时尚，地方宽敞，座位编排得唔算密，枱与枱都隔开得一定嘅阔度。
由于今期嘅主题喺 「泰•寻味之旅」，泰菜一向都几受港人欢迎，而场地布置都可以睇到花咗唔少心思，有唔少相应主题嘅装饰，近正门一边嘅布景版，真喺见到有啲姐姐专登企晌度打卡，直情当去咗泰国一转。上文都讲过佢哋嘅自助餐经常有折扣优惠，平日成人一位收$608，预早经官网订位并缴付全费最高去到6折呀！
上文都讲过依家啲酒店做自助餐，都加强咗好多防疫安排，好似呢度咁，有部份食物需由厨师服务，就算喺自取嘅，都有晒透明胶罩冚住，再者，凡出去拎食物嘅客人，都需要戴上口罩。讲咗咁多，一于去片睇吓有咩食。由门口开始顺住介绍，最后再返嚟门口位嘅甜品区。
海鲜吧以前嚟过，都知佢哋无供应生蚝，始终都喺高风险，个人嚟讲，食唔食都好无所谓。但仍有大蚬、翡翠螺、冻甜虾及长蟹脚，我就见几多客人不停拎长蟹脚喇，但补给都几快。
沙律区晌海鲜吧隔离就喺沙律区，眼见得少少沙律菜、栗米粒、红腰豆同青瓜，心谂以前嚟都唔喺咁少架，再行过啲，原来仲有即制嘅式青木瓜沙律，因为就咁摆咗啲青木瓜丝、甘笋丝，以为装饰而已。
冻切肉冷盘亦有好多款式，先介绍几款冷盘冻肉，有冻肉香肠、巴马火腿及莎乐美肠，衬以少少蔬果做装饰，又摆得几靓仔，观感上自己较吸引到客人取用。
冷盘区再沿路行过啲，就见有一大堆的的骰骰嘅冷盘小食，如凉拌青瓜木耳、刁草腌三文鱼……等等，而主题性方面就有甜酸凤爪、八爪鱼沙律之类。
试咗当中嘅泰式青木瓜沙律、甜酸凤爪及八爪鱼沙律，青木瓜沙律酸香爽口，越食越开胃；个凤爪甚具辣劲，一边食，一边饮住冻饮，而八爪鱼沙律亦不俗，八爪鱼柔韧好食，带有浓浓嘅泰式风味。
刺身、寿司、和食本身都喜欢食刺身、寿司，不过，平常食自助餐就好少拣，因为有太多主题食物嘛！但点都要介绍一下，始终喺唔少港人嘅喜好。刺身有北寄贝、八爪鱼、希灵鱼、吞拿鱼及三文鱼，而寿司及寿司卷，则少少咁放出嚟，保持有8、9款俾大家拣，远少少侧边就仲有啲冷面、渍物，整体选择真喺唔少。
西式餐汤、面包篮食餐饭当然要饮番碗汤，西式餐汤嘅代表喺蕃茄忌廉汤，无试嘅原因唔喺唔钟意，而喺因为我知「柏景」有提供炖汤，胃纳名额有限，当然要有优先次序啦；而西汤旁自然喺跟啲西式面包，钟意佢哋以电热板烘住，令面包「暖粒粒」。
跟住轮到介绍热盘呢个大片区啦，一大张L长形食物枱，摆放十多款中西美食及多款主题菜式，有即煮粉面档、炖汤、多种热盘、烧烤、烤肉……等等，够晒阵容鼎盛，以下就逐一分类讲讲。
泰式船面呢度一向都有即煮粉面供应，但今回既然主题喺泰式，自不然粉面就转为泰式船面，配料无以前供应港式粉面咁多，主要喺围绕番泰式嘅配料，如泰式牛丸、鱼蛋、猪肉丸、鲜虾、鸡肉……等等，汤底就可拣猪骨汤或冬荫功汤，仲供应埋多种泰式酱料作调味添。
泰式椰子鸡汤上文都讲过要留位俾个炖汤，呼应主题，炖汤就喺泰式椰子鸡汤，确实几抢手，因为我第一转出去拎都无晒货，不过，等多十多、廿分钟又有一批新货炖起咗。
入口非常之熨口，果真新鲜滚热辣，唔喺讲少，𠮶阵阵椰香好突出，真喺椰香扑鼻，四处飘溢，入口汤头劲清甜，非常好饮。
热盘、泰式烧烤老实讲，十几廿款美食，真喺唔记得晒咁多，凭相片及少少记忆，试试尽讲有啲乜：青咖喱鸡、泰式香茅蒸鱼、泰式炸鱼饼、炸虾饼、蔗虾、泰式烧菠萝、金不换黑豚肉燥炒饭、烧猪颈肉配糯米饭、泰式炒时蔬、泰式炒海鲜、盐焗鲈鱼、泰式辣椒炒龙虾钳、烤秋刀鱼、泰式烤墨鱼、泰式烧鸡翼、红酒烩牛尾、香草烤羊脾配蜜糖芥末汁、酱烧猪肋骨、香茅烧鸡……等等，当中部份菜式更会不时转款。
啲青咖喱鸡真喺几正，青咖喱好香，而咖喱唔单薄，有阵阵泰式香料味，鸡肉又够滑，仲有唔少菇菌，伴印度烤饼就更正啦。
再试一试泰式香茅蒸鱼、泰式炸鱼饼、蔗虾同泰式烧菠萝，啲蒸鱼好嫩滑，渗出淡淡香茅香，却唔会抢咗啲鱼鲜味；炸鱼饼、蔗虾都好好食，弹牙有咬口，又唔油腻㖞，而烧菠萝味道非常清甜。
另一转就试咗盐焗鲈鱼、酱烧猪肋骨、烤羊脾几款肉，伴啲烤南瓜、泰式炒时蔬，其中嘅猪肋骨同羊脾肉真喺好正，味道香浓，肉质十分松化。
人人都钟意食海鲜架啦，一于一大碟泰式炒海鲜一齐「些牙」，大蚬同长蟹脚味道极之鲜甜，而以泰式去处理，估唔到惹味之余，亦无冚过海鲜嘅鲜味。
再追加多一碟泰式辣椒炒龙虾钳，个人嚟讲，之前嘅泰式炒海鲜好食啲，龙虾钳睇起嚟高档啲，但食落嘅感觉无啲长蟹脚咁够鲜味，不过，就啖啖肉。
烧猪颈肉配糯米饭喺垫肚嘅选择，啲烧猪颈肉烧得好香口，带点焦香，肉质爽爽哋，沾上啲酸辣酱，滋味提升，而糯米饭煮得黏糯绵身，唔错。
慢烤原条牛肉眼唔使多讲，原条烤肉喺自助餐嘅必备，是晚所见就喺原条肉眼，烧得外观焦香，加上灯光，又喺一款极尽诱人嘅美食。此外，仲有烤南瓜及薯蓉作配搭。另外，提供上烧汁、黑椒汁、洋葱汁、芥末……等等，亦喺指定动作。
饮品区餐厅近尾，就喺饮品区，不停供应大量罐装汽水、果汁、啡茶，如果想衬番啲惹味泰菜，可以另加$68位无限畅饮泰象啤酒、胜师啤酒或红白餐酒，酒类唔喺好啱我哋，饮冰冻汽水衬泰菜已经好够。
甜品区甜品对自助餐而言，又喺不可或缺嘅一部份，印象中，「柏景」嘅甜品绝对属多选择、多元化及质素中上之列。当然，今之以泰式为主题，就多咗好多泰式甜品，睇落都颇有特色，一口气介绍晒去：荔枝泡芙、美式芝士饼、木瓜慕丝、热情果芒果蛋糕、朱古力班尼、抹茶芝士饼、椰汁西米糕、泰式奶茶冻、香芒椰皇西米露、班兰千层糕、芒果糯米饭、柠檬挞、椰青大菜糕、蓝蝶花啫喱、菠萝金宝、自助班戟机、泰妃椰奶葡挞、榴梿芝士挞、泰式珍多冰……等等，净喺睇到有咁多款已喺好赏心悦目。
先嚟一个全泰式嘅甜品拼盘，由于喺少见嘅款式，所以，感觉特别好食。当中以泰式奶茶冻、泰妃椰奶葡挞、榴梿芝士挞最得小弟欢心，除因为够特色之外，味道仲好个性化，突出到个主题。
Mövenpick雪糕柜甜品中，有品牌嘅雪糕亦喺不少大酒店自助餐嘅必然选择，是夜就有4款Mövenpick雪糕供应
试咗多款泰式甜品当然未够喉啦，再扫多5款甜点伴上两球Mövenpick雪糕，平常食苹果金宝就食得多，但菠萝金宝就第一次，确喺好食㖞，菠萝果肉非常香甜，热情果芒果蛋糕及抹茶芝士饼亦都出色；Mövenpick雪糕就唔使多讲，喺质素嘅保证。
最后，喺生果时段，只有西瓜同蜜瓜，所以，加多一球士多啤梨雪糕衬一衬，为今餐完美作结。
再到访，自助晚餐算得上保持质素，再者，至紧要用餐安心。目测有八乘几满，以星期一晚嚟讲，实在喺好唔错嘅入座率。临尾，见侍应送上唔少生日蛋糕俾啲客，原来，于生日月份内惠顾自助餐，可享免费生日蛋糕一个（睇落有近一磅左右），趁着疫情缓和，自然多咗人出嚟搞庆祝。
张贴
