莆田 (已結業)

晚上一行五人黎到试新开米芝莲餐厅，大家开头都兴致勃勃，但最终失望而回。先讲服务我地五人被安排坐一张小圆枱，座位非常挤逼，连𩠌都放唔落，侍应每次上菜都系一手「拨开」我地既碗筷，连筷子都叉左出枱外四份一既地步。一系就求其放喺枱既边边位，又或者用「碟推碟」既方法，即系用佢手上准备放落黎果碟𩠌碟碰碟咁意图推到一个位出黎？其实佢可以好好地腾空出一个位，或者换细碟。落单果方面，我举手后有位侍应同我四目交投，谂住佢会过黎帮我地落单，点知佢拧转个头就走左去唔理我员工培训真系好重要，咁既服务态度真系唔要得食物可能系名声累事，其实菜式做得好普通。无咩惊喜。餐前小吃系花生、脆紫菜同菜莆，脆紫菜几可口，菜莆偏咸。精美四小拼既全部味道都偏淡，九转小肠有少少卤水味，但唔够浓。猪脚冻唔入味，似咸咸地既啫喱。紫菜系煲汤果种，都同样无咩调味咁。豆卜本身得几旧，我无试到味。冰浸苦瓜感觉就系无咩调味过既原味苦瓜，配一碟好稀既蜜糖，点完蜜糖后唔会觉得特别夹。但凉凉爽爽，都几开胃既。一品海蛎煎，蚝既份量极少，就算揾到都系碎黎既。食粉浆多。莆田卤面，蚬内有沙，净系食到沙已经扣晒分。面系软身易断，汤汁杰身。黄金荷叶包算系比较有味道