影片
更多
2011-07-19
103 浏览
請朋友食生日飯，當然希望對方食得滋味又滿足，但對於有選擇障礙嘅我就真係頭痕，又要諗食咩，又要諗食邊間~~一開始就想揀食法國菜，因為覺得菜色好精緻好好味，又可以慢慢坐慢慢食~~睇openrice睇咗好幾日，呢間其實唔係first choice, 但最後因為兩個賣點而揀佢~~~第一，可以喺甜品上寫上happy birthday又播生日歌, 第二個原因就真係因為我本人想見到黃長興~~我3個禮拜前就已經打電話去book位，呢幾個禮拜入面，我足足轉咗幾次order, 真係好感謝餐廳其中一位waitress~~Polly, 佢真係非常有禮貌兼且唔嫌我煩，好細心咁逐樣逐樣幫我落order,就算我轉咗好多次菜色，佢都係非常友善，完全唔會覺得佢有炸型嘅感覺~~未食已經覺得好窩心~~我總共叫咗以下嘅嘢嚟食：鮮蠔泡泡忌廉湯~~真係非常好味，好滑，蠔味濃郁得嚟唔會搶喉，但跟餐就無乜泡嘅，不過係絕對唔可以錯過嘅湯龍蝦湯：其實龍蝦味真係太重，d湯落到喉嚨差d吞唔到，但味道係唔差，如果可以溝淡d，味道反而更加好洋蔥湯：唔知點解一入口有浸龜苓膏嘅味道，我本人就覺得一般，但我其中一個朋友話正~~煎鵝肝： 呢個唔食唔得，
請朋友食生日飯，當然希望對方食得滋味又滿足，但對於有選擇障礙嘅我就真係頭痕，又要諗食咩，又要諗食邊間~~一開始就想揀食法國菜，因為覺得菜色好精緻好好味，又可以慢慢坐慢慢食~~睇openrice睇咗好幾日，呢間其實唔係first choice, 但最後因為兩個賣點而揀佢~~~第一，可以喺甜品上寫上happy birthday又播生日歌, 第二個原因就真係因為我本人想見到黃長興~~
我3個禮拜前就已經打電話去book位，呢幾個禮拜入面，我足足轉咗幾次order, 真係好感謝餐廳其中一位waitress~~Polly, 佢真係非常有禮貌兼且唔嫌我煩，好細心咁逐樣逐樣幫我落order,就算我轉咗好多次菜色，佢都係非常友善，完全唔會覺得佢有炸型嘅感覺~~未食已經覺得好窩心~~
我總共叫咗以下嘅嘢嚟食：
鮮蠔泡泡忌廉湯~~真係非常好味，好滑，蠔味濃郁得嚟唔會搶喉，但跟餐就無乜泡嘅，不過係絕對唔可以錯過嘅湯
龍蝦湯：其實龍蝦味真係太重，d湯落到喉嚨差d吞唔到，但味道係唔差，如果可以溝淡d，味道反而更加好
洋蔥湯：唔知點解一入口有浸龜苓膏嘅味道，我本人就覺得一般，但我其中一個朋友話正~~
煎鵝肝： 呢個唔食唔得，外脆內軟，入口即刻融化喺口腔，吞咗落肚，口依然留有餘香
法式焗田螺：田螺味道濃郁，但連埋淡淡嘅薯蓉入口，感覺就ok晒喇~~
炭燒牛扒：5成熟啱啱好，牛味濃郁，伴碟嘅薯條都好好味
白酒煮青口：呢個係另一個不可不食嘅主菜，酒味好香，青口好鮮甜，好食到不得了
煎鱸魚：好諧，無乜魚味，唯一最失色嘅地方，但伴碟嘅薯蓉好好食~~
法式焦糖燉蛋：我試咗一啖覺得超甜，但我朋友勁鐘意，食晒~~~
軟朱古力蛋糕：其實即係心太軟，暖暖又窩心嘅感覺
沙巴翁: 我試咗少少, 味道尚可, 但心裏又會後悔點解唔叫當初決定好要ORDER gei蘋果批呢
勁讚佢哋送咗一個餐前小食，苦瓜慕絲多士同埋仲送咗一碟甜品軟朱古力波波，前者估唔到可以咁好食，因為我本身好憎食苦瓜，後者朱古力味濃，苦而不澀~~
整體上成個飯局氣氛都好好，環境舒悉, 但如果menu上可以增加多d菜色選擇會更加好囉，因為每人口味都唔同，但一齊食飯嘅時候，總想叫d大家都啱食嘅嘢，呢度選擇太少，令我呢個有選擇障礙嘅人好頭痕~~~~
最後我都幾開心同到黃長興合照，話晒係生招牌吖嘛~~hehe^^
张贴
