Mamaday (已結業)

今日去咗一间好盏鬼嘅餐厅，佢嘅装修好有特色和风格，同时间连菜名都非一般，全部都好搞笑。佢有lunch set和散叫，我哋叫咗两个set，包括：「淡淡蟹肉…你就想～青咖喱比萨」（$106）和「避风塘Style肥牛蛋包饭」（$108），午餐包埋一杯饮品。𠮶个肥牛蛋包饭，块蛋好大块但系同时间都仲几滑，面头有啲蕃红花丝，几靓，肥牛份量都算多，都几Juicy,整体份量都算大而且好味。佢有少少干蒜，所以叫避风塘style挂。至于蟹肉pizza，我确实觉得真系淡淡蟹肉㖞！蟹肉嘅份量都算几多，反而青咖喱嘅味道唔系太浓烈，芝士味反而更甚，薄批脆边，都好好味。另外我哋仲叫咗一客鸡翼（ $68 ），佢有四种味选择，我哋最后拣咗蜜糖芥未，原来佢系单骨鸡翼嚟嘅，炸得脆脆的，蜜糖芥末味都好突出，好味，鸡肉好嫩滑，唔会太干身，值得一试。