影片
更多
2021-02-22
701 浏览
呢间茶记不得了，一定要大大力向各位推介！你哋睇，佢全间店里里外外，无论出面门口、收银处，以至每个卡位都贴咗安心出行 app。而且 ，呢度啲阿姐每个食客入嚟都必然会问佢哋有冇扫到 QR Code。最令人感动嘅就系，今日食饭时分别有两位阿叔话唔识装个 app，啲阿姐 （分别有两位）仲好有耐性咁教佢哋安装同使用。喺咁繁忙嘅午巿，都仲咁尽忠职守，咁有耐性逐个教，认真系冧把温！👍👍👍临走埋单时我同收银姐姐讲：「好欣赏你哋间店，你哋每位员工都好尽忠职守，好有耐性提醒食客用安心出行，成餐饭令我好感动。祝你哋生意兴隆，希望我 80 岁都可以嚟帮衬！加油！」食物质素？呢间店嘅好，已经超越咗食物质素，不过都循例讲下啦！今日我食咗个沙姜鸡髀饭，加热柠水。鸡髀唔算特别滑嫩，因为熟哂。不过都算腍滑唔嚡，而且都有淡淡沙姜味，配埋姜葱油，美味进一步提升。热柠水正常，可以解油腻。$39 大大只鸡髀，夫复何求？
你哋睇，佢全间店里里外外，无论出面门口、收银处，以至每个卡位都贴咗安心出行 app。而且 ，呢度啲阿姐每个食客入嚟都必然会问佢哋有冇扫到 QR Code。
最令人感动嘅就系，今日食饭时分别有两位阿叔话唔识装个 app，啲阿姐 （分别有两位）仲好有耐性咁教佢哋安装同使用。喺咁繁忙嘅午巿，都仲咁尽忠职守，咁有耐性逐个教，认真系冧把温！👍👍👍
临走埋单时我同收银姐姐讲：「好欣赏你哋间店，你哋每位员工都好尽忠职守，好有耐性提醒食客用安心出行，成餐饭令我好感动。祝你哋生意兴隆，希望我 80 岁都可以嚟帮衬！加油！」
食物质素？呢间店嘅好，已经超越咗食物质素，不过都循例讲下啦！
今日我食咗个沙姜鸡髀饭，加热柠水。鸡髀唔算特别滑嫩，因为熟哂。不过都算腍滑唔嚡，而且都有淡淡沙姜味，配埋姜葱油，美味进一步提升。热柠水正常，可以解油腻。$39 大大只鸡髀，夫复何求？
$39
66 浏览
0 赞好
0 留言
张贴
