彈彈旦 (已結業)

鱼蛋呢种街头小食系香港不论大人定细路都咁钟意食，当然我都系啦~ 开业一段时间既弹弹旦以酱料见称，有多款口味选择。而我拣左最为邪恶既黑胡椒芝士酱。一拎上手浓郁既胡椒芝士香气不断涌上，色泽鲜艳既芝士遍布爽弹白滑鱼蛋既表面。轻咬一啖，原来芝士中仲有烟肉，增添咸香感，非常滋味。朋友则钟意食天妇罗炸蛋~鱼蛋表皮既炸酱只有薄薄既一层，炸酱薄但好有口感，而且本身就好有味道，炸蛋外酥内弹。其他酱料都几吸引，可以下次一试。