何洪記 (已結業)

因为租金昂贵嘅关系，闹市中嘅粥粉面档通常都偏贵，依间都唔例外。一坐低睇餐牌已经知道喇脷，粉面平均四十几，炒河更加要五、六十，最贵嘅鲍鱼粥更加系上百蚊一碗。最后我悭悭哋叫咗碗及第粥，虽然卅几叫做平啲，但𩠌亦因此少啲，全碗粥只系得两块猪润、两条生肠同两粒肉丸，粥底亦唔够绵。上次食过佢哋啲面，味道都系一般，而且又系一碗食唔饱，达唔到我嘅基本要求。墙上见到蔡澜嘅推荐状，令我俾依度嘅印象分更差，事关𠮶啲所谓嘅食家十之八九都系写饍稿，佢哋推介亲嘅食肆唔系货不对办就系名大于实，今次又一例证。