韓流村 (已結業)

星期六唔驶返工嘅日子，同朋友去到尖沙咀食午饭，品尝一下具质素嘅韩国菜。先叫左一道酱油海鲜拼盘。经过腌制的酱油虾质感结实，啖啖爽口嘅虾肉令人满足。而酱油鲍鱼味道同样滋味，酱油无夺去鲍鱼嘅鲜味，而且极具弹牙嘅口感，朋友个个都赞好。而酱油蟹更加系我地所期待，浓浓嘅蟹黄加添紫菜饭一同品尝，原汁原味将酱油蟹嘅精华吸收，好味至极！接著都点左两道传统韩国菜，芝士流心蛋看似平凡，但要烹调到流心软滑而唔老火嘅感觉确实系唔容易！而人参鸡汤, 汤水少了油腻嘅感觉，多一份清甜嘅滋味，而人参味道唔算太重，可能系调较到适合香港人嘅口味。黎到韩国餐厅，当然要食下韩烧，点左一个两人套餐，令我地可以品尝唔同种类嘅肉类。调味牛排骨肉，带点雪花，脂肪比例平均，肉味浓郁。快烧大概一分钟，再加生菜包著嚟吃，系最佳嘅配搭。而五花肉则虽然多啲时间去烧，烧嘅时候有阵阵肉香味，加点盐花更可令表皮香脆。黑豚猪脖肉，脂肪成份较少，但品尝瘦肉同样不失美味。最后有调味护心肉。肉质相当弹牙，味道口感都非常出色，一人品尝到数件，感觉相当满足！