鳥居居酒屋

营业中

休息中

临近年尾，真系喜事一箩箩。正式收到朋友嘅喜讯，就约埋一齐出黎攞帖兼庆祝。拣左呢度可以畅所欲言又饮下酒。当做一个PRE-单身派对。蒜子蕃茄野菜沙律。前菜十分开胃，微酸嘅味道配上蕃茄香甜好清新。当中嘅生蒜辛辣令甜酸味更平衡合衬。芝士烧帆立贝。贝肉好鲜甜，半溶芝士带出少少咸味，食满令人满足。葱蒜烧蛏子。蛏子肉质爽脆鲜甜，配上葱蒜有点中式味道。几好食。明太子玉子卷。玉子甘甜配上明太子个味道好夹，当中好轻微嘅辛味令整体好滋味。和风烧龙虾。大大只龙虾即席烧制，所以肉质十分爽弹业甜，配上和风千岛酱味道一流。虾头部位亦不能错过啲虾膏，甘香味丰富。烟肉车厘茄。蕃茄好多汁同热，食嘅时候要小心啲。配埋烟肉嘅咸脆好好食。厚烧牛舌。牛舌好厚身，因为即场烧制关系油脂锁得好好，食落弹牙腍身，点上少少岩盐最好食。银杏／鸡肉丸串。鸡肉丸有一个蛋黄酱汁配，食时搅拌均匀蛋浆沾黎食，除左令肉丸更滑嫩，香味亦更充足。银杏无苦味，食落烟韧。明太子墨鱼棒。墨鱼肉好弹牙，可以都沾上一鸡酱一齐食提升味道。猪颈肉配上葱段又系一惹味之选。明太子酿鸡翼。明太子唔系讲笑地多，塞满晒整只鸡翼。令鸡肉咸香味道十分惹味，啱晒用黎佐酒之用。GINGE