影片
更多
2013-06-24
622 浏览
今日即兴约同学仔晚饭，有人提议食泰菜，所以中午打去订16个位（11大5小），准时去到，一张大枱坐晒，餐厅充满泰国色彩，有好多泰国木刻装饰，虽然有啲迫，其中几人要坐圆櫈，不过好过分开坐，虽然有套餐，但唔系咁抵，又唔系每款食物都啱食，所以我哋散叫，人多有个好处，就系可以想食乜就叫，大家好开心尽情叫！坐低即刻送上两篮虾片，虾片少少辣，重要不停添加！正小食拼盘：应有尽有，虾饼外脆又弹牙，多春鱼炸得香口，猪颈肉肉香满口，无骨䫣脚香辣！连伴碟嘅蕃茄都新鲜多汁！抵！生虾刺身：唔系每间泰国餐厅都敢叫呢样，因为虾嘅卫生难保证，要帮衬有信心嘅餐厅，生虾雪得有啲干硬，不过配泰式酱料食，都香辣惹味！明炉乌头：跟火炉上，汤酸酸地，唔食辣嘅可以唔点酱汁！大家都食到，鱼肉鲜嫩，好味！肉碎生菜包：生菜新鲜，肉碎唔辣，九层㙮不多，所以唔系咁香，一般！串烧（18支）：有鸡同羊，我吃咗羊，羊肉唔苏，点沙嗲酱好味道！青咖哩羊：我用咖喱汁沾蒜茸包，好香好浓，不过唔辣！有少少失色！咖哩虾：虾我食咗一只，咖哩香浓，但唔辣，似炒蛋多过似咖哩！泰式海南鸡：已起骨，但唔滑，无乜鸡味！点泰式辣汁会好味啲！铁板炒蚝：热辣辣，用芽菜垫底，蚝仔
今日即兴约同学仔晚饭，有人提议食泰菜，所以中午打去订16个位（11大5小），准时去到，一张大枱坐晒，餐厅充满泰国色彩，有好多泰国木刻装饰，虽然有啲迫，其中几人要坐圆櫈，不过好过分开坐，虽然有套餐，但唔系咁抵，又唔系每款食物都啱食，所以我哋散叫，人多有个好处，就系可以想食乜就叫，大家好开心尽情叫！坐低即刻送上两篮虾片，虾片少少辣，重要不停添加！正小食拼盘：应有尽有，虾饼外脆又弹牙，多春鱼炸得香口，猪颈肉肉香满口，无骨䫣脚香辣！连伴碟嘅蕃茄都新鲜多汁！抵！
生虾刺身：唔系每间泰国餐厅都敢叫呢样，因为虾嘅卫生难保证，要帮衬有信心嘅餐厅，生虾雪得有啲干硬，不过配泰式酱料食，都香辣惹味！
明炉乌头：跟火炉上，汤酸酸地，唔食辣嘅可以唔点酱汁！大家都食到，鱼肉鲜嫩，好味！
肉碎生菜包：生菜新鲜，肉碎唔辣，九层㙮不多，所以唔系咁香，一般！
串烧（18支）：有鸡同羊，我吃咗羊，羊肉唔苏，点沙嗲酱好味道！
青咖哩羊：我用咖喱汁沾蒜茸包，好香好浓，不过唔辣！有少少失色！
咖哩虾：虾我食咗一只，咖哩香浓，但唔辣，似炒蛋多过似咖哩！
泰式海南鸡：已起骨，但唔滑，无乜鸡味！点泰式辣汁会好味啲！
铁板炒蚝：热辣辣，用芽菜垫底，蚝仔肥美，无沙，夹染住蛋浆，好味到再encore多一客！
蒜茸包：外脆内软，蒜茸好香唔辣，又香又脆，沾咖哩汁好味，encore咗两客！
泰式炒金边粉：酸酸甜甜，有大量芽菜蛋丝！好味！
杂菜粉丝㷛：正常一般！
马拉盏炒芥兰：香口，偏咸，芥兰嫩口，咸咸香香！好味！
甜品（大菜榚+西米榚）：餐厅送嘅，大菜榚无乜味，西米榚香滑！
餐厅有两个经理，老的一个好友善，又介绍𩠌菜，后生啲𠮶个，比较粗声粗气，又爱理不理，但除了佢，其他待应都好好，尤其系埋单后，我哋其中有人漏咗袋嘢，餐厅好好，即刻用我订位留低嘅电话，即刻call番我哋返转头攞番，so good!
张贴
