影片
更多
2017-08-10
1392 浏览
同好友约好左去食餐好嘢，大家都喜欢食Omakase，之后就打去订位试下呢间。一入到店内就好似去左日本一样咁舒服，有四个不同款选择，其实每一款都系师傅将食料本身味道拼凑，混和出惊喜味道。我同朋友就拣左“葵“ !我地坐嘅位置就见到师傅准备紧整刺身而其他有的准备紧Wasabi全部都系用新鲜山葵即磨出唻，系用块细细板上面磨唻用，真系好新鲜呀！三品前菜栗米高汤冻- 栗米煮熟左之后打成栗米茸，隔去栗米渣，再用忌廉等煮成浓汤，再冷冻成汤冻啫喱，所以栗米味浓郁，入口细滑配紫苏花一齐食，增添一份清香。三文鱼籽配萝卜溶- 三文鱼籽，三文鱼甘甜有鲜味配清甜萝卜蓉，感觉清而不油腻。毛蟹肉配蕃茄- 毛蟹肉非常鲜甜， 都系我们面前即刻生拆，配上蕃茄少少酸，最开胃不过。左口鱼刺身半透明薄切左口鱼，一入口就有清香嘅柚子皮味，原来师傅已经细心洒上柚子皮，只要加少少岩盐，味道已经刚刚好。深海池鱼师傅轻轻烧香左鱼上面嘅油脂，散发出鱼油香气，上面配蒜抄过嘅鲣鱼花酱油，食落轻轻烟薰味又唔会抢左池鱼味道！拖罗刺身今晚呢个拖罗脂肪分布平均，一层一层的脂肪，相当赏心，入口鱼肉鲜甜，鱼味浓。北海道马粪海胆由北海道空运来港，鲜橙色卖相的
我同朋友就拣左“葵“ !
我地坐嘅位置就见到师傅准备紧整刺身而其他有的准备紧Wasabi全部都系用新鲜山葵即磨出唻，系用块细细板上面磨唻用，真系好新鲜呀！
三品前菜
栗米高汤冻- 栗米煮熟左之后打成栗米茸，隔去栗米渣，再用忌廉等煮成浓汤，再冷冻成汤冻啫喱，所以栗米味浓郁，入口细滑配紫苏花一齐食，增添一份清香。三文鱼籽配萝卜溶- 三文鱼籽，三文鱼甘甜有鲜味配清甜萝卜蓉，感觉清而不油腻。毛蟹肉配蕃茄- 毛蟹肉非常鲜甜， 都系我们面前即刻生拆，配上蕃茄少少酸，最开胃不过。
左口鱼刺身
半透明薄切左口鱼，一入口就有清香嘅柚子皮味，原来师傅已经细心洒上柚子皮，只要加少少岩盐，味道已经刚刚好。
深海池鱼
师傅轻轻烧香左鱼上面嘅油脂，散发出鱼油香气，上面配蒜抄过嘅鲣鱼花酱油，食落轻轻烟薰味又唔会抢左池鱼味道！
拖罗刺身
今晚呢个拖罗脂肪分布平均，一层一层的脂肪，相当赏心，入口鱼肉鲜甜，鱼味浓。
北海道马粪海胆
由北海道空运来港，鲜橙色卖相的海胆好吸引，仍有海水嘅咸鲜味，入口鲜甜，这么大份，真系吃得满足又开心。
章鱼渍
这个章鱼肉非常松软，好奇问一问师傅，他笑著说是小师傅们用萝卜将章鱼拍打将肉打松软，再煮熟之后，加上酱油及特制嘅柚子胡椒，柚子嘅清香与胡椒少少辛辣，非常美味。
北海道毛蟹
知道毛蟹喺唻自北海道，就知道蟹肉一定有返咁上水准，再加上蟹膏鲜甜，仲加左少少柠檬汁提鲜味。
塩烧鳗鱼
野生白鳗唔同一般食法，只系用塩烧就已经够，个鳗鱼皮烧得外脆内软，鳗鱼味浓，完全不用酱汁已经滋味非常。
𩽾肝
师傅递上一个小皿给我，窝心地说送给我们吃原来系𩽾肝（𩽾𩾌鱼肝）配青瓜 ，味道均衡，配以青瓜减低少少腻感觉，增添一份清新。
带子寿司
终于到寿司出场，就系带子啦，口感爽口鲜美。
喜知次（Kinki)寿司
喜知次平时喺出面较少食到，因为属于贵价海鲜，上面配左少少鼓油嘅萝卜溶，极之肥美。
北海道大助三文鱼
大助三文鱼可以比美吞拿鱼，已经预先用自家酱油渍过，其肉质柔软，口感柔滑脂香。
银雪鱼寿司
都系预先以酱油渍过，再加上上面嘅柚子胡椒，又系我非常喜欢嘅柚子胡椒，银雪鱼火炙嘅味道再加鱼嘅油香！非常美味。
细池鱼寿司
细池鱼味浓郁，肉质甜美，配上酱油同葱花，但我还是比软喜欢深池多一点。
赤身寿司
即系吞拿鱼背部， 加上醋饭，真是美味。
喜之次汤
喜之次有“海中红宝石“的美誉，鱼脂渗透于汤里面，上等雪白色肉质香滑可口。
烧拖罗
拖罗烧得油香四溢，甘香鲜甜，入口即时溶化, 口感美妙。
三文鱼籽军舰
吞拿鱼籽以自家制酱油渍过，鱼籽粒粒分明，卜卜脆弹，鱼香芳香。
玉子及穴子
穴子口感爽甜，配上烧酱油，更添美味，至于玉子都系自家制同出面食到唔同 ，口感似蛋糕，特别松软，一个味浓，一个蛋香，非常配合。
食到呢个位真系都饱饱地！
终于最后一道甜品啦，原来系绿茶奶冻，我最初以为系全个都系绿茶奶冻，原来唔系㖞！原来系绿茶汁唻，下面先系奶冻，个奶冻初初入口有一阵椰子香味，跟住就食到好香奶味，好浓郁，好有惊喜，仲有上面金箔点缀，作为今晚完美嘅终结 。
张贴
