Home's Favourite (已結業)

星期五要食好啲，所以今日嘅下午茶都要食得丰富啲。去到天后区一呢间专卖新加坡特色美食嘅餐厅，当然要食下榴梿雪糕同埋特色饮品。榴梿恋人雪糕新地，用上顶级嘅榴梿王去做，所以无论系榴梿蓉定系软滑嘅雪糕，都充满浓郁嘅榴梿味道，加上一块即日烤焗嘅曲奇，整体层次够丰富!美绿恐龙冰，值得去饮嘅原因系美绿用左鲜奶去冲调，入口更滑，而冰面铺满美绿粉，整体味道更浓郁，相比出面嘅茶餐厅绝对系优胜一筹。系铺头都放满罐装曲奇，令到我买左包装靓靓嘅曲奇返屋企。桂圆红枣同埋荔枝味都充满新加坡风情，热带生果味道一打开个罐就即系闻到，食落仲好香脆，其中桂圆红枣仲食到粒粒红枣，证明绝对系真材实料。