蠔站 (黃金廣場) (已結業)

男朋友好钟意食蚝，食蚝就梗系成打成打咁食先够爽，今次特登带佢嚟呢间Oyster Station蚝站，知道佢哋生蚝有promotion，$10一只爱尔兰进口生蚝好抵食，避开咗最多人嘅时间嚟，可以舒舒服服享用，非常满足！$10爱尔兰进口生蚝生蚝口感细嫩清爽，矿物味重，咸甜味道平衡，每只都系$10，钟意食生蚝嘅朋友一定要去尽情食呀！四重芝士Pizza用上四种唔同嘅芝士，入口啖啖香浓芝士，芝味十足味道好浓厚，咸香突出，批边香脆唔散～黄金软壳蟹扁意粉一上枱已经闻到劲香咸蛋味道，黄金咸蛋酱包裹住炸软壳蟹，脆口又鲜香，扁意汁颇为挂汁非常有惊喜！