佳信記 (已搬遷) 新店位置

第一次食呢间盆菜系年初一响别人屋企，见佢比起其他食过嘅盆菜吸引得多，真材实料而且好足料，暗暗记住佢。疫情肆虐唔想出街食，叫个盆菜返嚟分享更实际，今次已经是第三次食。今次订嘅系8人盘菜，见佢写18种材料。日本元贝一啲都唔细又够腍，原只花胶筒厚身又大只，每人一只，共有8只。满满骨胶原，最受欢迎。海虾好大只仲粗过我只手指，爽脆又鲜味。鱼蛋大大粒弹牙，白切鸡都好有鸡味，花菇爽脆，芋头酥腍，白萝卜够入味，其他配料都好食。未拆包装时堆砌得好高，分分钟满泻出来，所以我哋将面头嘅材料分开嚟装。