Artista Perfetto (霎西街)

营业中

休息中

AP 咖啡，目前来讲系我心目中嘅最爱，喺街市入边嘅一个角落，充满着咖啡嘅香味，人情味。一入到去呢间咖啡舖你就会发现同周围嘅环境格格不入，而我嘅至爱就系泡沫黑咖啡，同一般嘅黑咖啡相比，你就会发现佢比普通嘅黑咖啡浓厚顺滑好多。细细饮一啖，你会感受到果肉，莓，蜜糖嘅香气，再感受深啲，你就会饮到一阵烤肉嘅味道。温馨提示，每一次饮泡沫黑咖啡嘅时候，轻轻摇一摇，令佢啲泡沫喺正杯咖啡入边均匀分布，咁样味道同埋顺滑度会更加好。喺A P饮咖啡系一种享受，系一种艺术品，每一种唔同味道嘅混合，合成出呢一杯咖啡，当中你会谂，咖啡师究竟花咗几多时间去混合去研究，技术嘅升华，绝对系响啲杯咖啡入边包含嘅内涵。