影片
更多
2009-04-12
6 浏览
我其实是一条爱吃面多于吃饭的金鱼，不论系中式的"细蓉"or"米线"，意式的"pasta"，日式的"拉面"，全部都系小金鱼的最爱，尤其系拉面。小金鱼几年前曾到日本一"游"，随街"游"入一间拉面店都可以叫小金鱼想移民到日本算了。虽然小金鱼住在旺角这个旺区，但可是除了"横钢"这间常常要排长龙的尚算可以之后，不知是小金鱼太咀刁的关系还是怎样啦，我真的在旺角找不到一间好吃的拉面店。(如大家有好吃的店，请告诉我.....但除了味千拉面.......)平日小金鱼好少系"光天化日"低下出现系铜锣湾，夜晚的铜锣湾同旺角差唔多，去边度食饭都要等位，所以我都好少系呢度揾食。刚巧这天放假到铜锣湾做"面"，做完都成3点几，朋友仔问我想食乜下午茶，我就话想拉面(我认我大食....hehehe)，于是朋友仔就同我去咗佢公司附近呢间八八八拉面啦。间舖头系地库，唔留意真系会错过，行落去就有人带你位，可能过咗食饭时间，所以只得小猫二三只客人，朋友话平日夜晚实要等位，咁梗系啦，咁旺的地区开食店，唔多人等位一系就好贵，一系就唔好食。好啦~废话少说啦~~唔该~~~落order呀......主食类：面豉叉烧汤拉面：小金鱼一向都爱
小金鱼几年前曾到日本一"游"，随街"游"入一间拉面店都可以叫小金鱼想移民到日本算了。
虽然小金鱼住在旺角这个旺区，但可是除了"横钢"这间常常要排长龙的尚算可以之后，不知是小金鱼太咀刁的关系还是怎样啦，我真的在旺角找不到一间好吃的拉面店。(如大家有好吃的店，请告诉我.....但除了味千拉面.......)
平日小金鱼好少系"光天化日"低下出现系铜锣湾，夜晚的铜锣湾同旺角差唔多，去边度食饭都要等位，所以我都好少系呢度揾食。
刚巧这天放假到铜锣湾做"面"，做完都成3点几，朋友仔问我想食乜下午茶，我就话想拉面(我认我大食....hehehe)，于是朋友仔就同我去咗佢公司附近呢间八八八拉面啦。
间舖头系地库，唔留意真系会错过，行落去就有人带你位，可能过咗食饭时间，所以只得小猫二三只客人，朋友话平日夜晚实要等位，咁梗系啦，咁旺的地区开食店，唔多人等位一系就好贵，一系就唔好食。
好啦~废话少说啦~~唔该~~~落order呀......
主食类：
面豉叉烧汤拉面：小金鱼一向都爱味浓的食物，所以食拉面多数都系食面鼓汤底，等咗大约10分钟左右，碗面就上枱啦。
碗面卖相唔错，基本的银芽+大葱+荀都有，仲有好几块厚薄适中叉烧，朋友教落食拉面前食啖汤就知呢间舖头d野好定唔好，所以第一时间饭啖汤先，umumum，唔错，虽然肯定有落师傅啦，但系都食出有面豉味，再食块叉烧，好味，呢度d叉烧比起个间"一x安"真系一块等1.5块咁滞~至于个面亦渌得几好，几弹牙，个汤底仲有少少肉碎，食完我都唔觉得好口干。
面豉汤拉面：朋友仔话唔想食得太饱，所以叫咗呢个，同我叫个个基本上系一样，只系少咗几块叉烧，本嚟朋友仔话想食猪骨味的，但系我话"你想食猪骨味不如返屋企煮出前一丁啦，平好多㖞"，因为出前一丁出个只猪骨味真系唔错。
小食类：
冻豆腐：其实味道唔错，只系小金鱼唔钟意食上面d木鱼片同个汁落酒落得太重手，扣咗少少分啦，个豆腐应该系"x福"出品，都几滑同雪得够冻。
鸡蛋：系溏心鸡蛋，虽然+12一只有少少贵，不过佢都整得唔错，个蛋心仲系啫喱状，有少少卤水味(色)，只系以前小金鱼系日本食拉面时习惯咗有蛋，所以至会+蛋啫....hehehe
唯一要弹的是，个日饮个杯水有"阵"怪味，虽然朋友仔话过滤水系咁，但系真系超难饮，所以最后要叫罐芬达嚟饮，成十几蚊一罐芬达，贵呢.........
整体上成餐下午茶(?)好好食，二个人叫嚟小食同汽水都系二百蚊(我上次去一x安食又唔好食，二个人叫二个面+饮品都唔止呢个价钱)，不过平日小金鱼真系好少过海，而且夜晚嚟食有排等位，下次再要"日头"嚟都唔知要等几时啦。
张贴
