影片
更多
2016-05-23
1372 浏览
由于个人酷爱饺子，尤其系韮菜饺。系一条友食廿几三十只都不是问题果只 所以都会周围试饺子店。个人不太喜欢食某大型连锁饺子店，所以屋企楼下有间都很少帮衬，反而会上openrice揾下有无啲新惊喜。果然，黄天不负有心人，俾我食到呢间以食饺子为主既"饺掂"。间野喺太子既食街，呢度唔系大街，黎得呢度既都系揾食之人。附近搜罗左一次，见唔到有表位可以泊，所以一如既往，泊街啰咩事先好彩等左十几分钟我等到个街位，泊到正一正喺间野出面，方便睇车。入到去间野，感觉怪怪的，个人觉得好大陆feel。四周围既墙上都系字，系成幅墙都系。。。。四周又好似有好多风水野咁，如一座座紫水晶，十分古怪。不过唔理得咁多，食到我爱既饺子就话之佢啦 haha。我同个朋友叫左一碗大既韭菜猪肉饺，一碗大既粟米猪肉饺，一碗麻辣担担面拼菜心饺，同埋一碗云耳椰菜饺面。实行一次过试晒咁多款。其实仲有款佢地报称系招牌既松茸饺，不过我同友人都不太好菇，所以无叫到。饺子方面，食完最满意既都系韮菜饺同粟米饺，味道最夹。菜心饺都好味，不过略带微甘，可以考虑加啲姜去苦味。另外朋友就觉得云耳椰菜饺最好味，我就觉得一般，味道好像无咁夹。总括而言，饺子很好食，
果然，黄天不负有心人，俾我食到呢间以食饺子为主既"饺掂"。
间野喺太子既食街，呢度唔系大街，黎得呢度既都系揾食之人。附近搜罗左一次，见唔到有表位可以泊，所以一如既往，泊街啰咩事先好彩等左十几分钟我等到个街位，泊到正一正喺间野出面，方便睇车。
入到去间野，感觉怪怪的，个人觉得好大陆feel。四周围既墙上都系字，系成幅墙都系。。。。四周又好似有好多风水野咁，如一座座紫水晶，十分古怪。
不过唔理得咁多，食到我爱既饺子就话之佢啦 haha。我同个朋友叫左一碗大既韭菜猪肉饺，一碗大既粟米猪肉饺，一碗麻辣担担面拼菜心饺，同埋一碗云耳椰菜饺面。实行一次过试晒咁多款。其实仲有款佢地报称系招牌既松茸饺，不过我同友人都不太好菇，所以无叫到。
饺子方面，食完最满意既都系韮菜饺同粟米饺，味道最夹。菜心饺都好味，不过略带微甘，可以考虑加啲姜去苦味。另外朋友就觉得云耳椰菜饺最好味，我就觉得一般，味道好像无咁夹。总括而言，饺子很好食，肉同菜既比例较得岩岩好！
至于汤底有两种，分别系住家汤(用于净饺子)同担担面汤底 (用于面食)。住家汤底好似系用鱼同粉葛煲的，报称不加味精。饮落又真系唔觉口渴既，而且好重粉葛味，好有家既感觉。 个汤淡淡地，配合饺子浓浓既味道，十分之夹！朋友就觉得太淡，要加盐，真不靠谱，简直系破坏晒人地个arrangement。
至于个面汤底。。。。有辣有唔辣，任君选择。haha 我爱食麻辣所以当然拣辣啦，友人一点辣都食唔到的所以走辣。我觉得呢个麻辣完全唔系麻辣，一啲都唔麻，只有辣，仲要个汤本身系酸的，亦无落花生煮，所以严格黎讲系一个酸辣汤面，并非担担面，这里有点失望。
价钱方面我觉得都几贵，十只汤饺要$40-$44，松茸要成$60一碗。不过考虑到饺子既质素同佢地对饺子既热诚，我觉得都值得推荐俾咁多位爱饺之人试一试！
张贴
