鳳城酒家 (已搬遷) 新店位置

同几位财经界既叔父辈饮茶，学习吓投资，顺便攞料。可能已经成了习惯，每次都会来凤城。我中午一点左右去到，其中一位前辈已经到达，并开了茶，大概十分钟后全部人都到齐。几位前辈问我要食咩，我当然唔敢乱叫，就由仔他们点菜。要几个点心，如凤爪、烧卖、春卷、马拉糕等，另加一碟菜远牛河和一窝雪菜肉丝炆米。一边食野一边倾计，都忽略了食物的质素。但印象中，几个点心唔错，尤以马拉糕为最佳。炒河只吃了些少，感觉几好，牛肉几入味又唔会太老。炆米都足料，湿湿地咁几正。听闻话粉果和炸子鸡系招牌菜，但今次冇试。对呢间酒楼印象唔错，下次会来试这两款招牌菜。