影片
更多
2021-07-21
1914 浏览
平时试新餐厅都会先做吓功课，喺OpenRice睇吓餐厅嘅食评先至去试，目的就系唔想盲舂舂去咗一间唔好食嘅餐厅，嘥钱之余又嘥卡路里quota。𠮶日同朋友去Soho食lunch，本身Book咗一间法国餐厅，点知去到侍应竟然话揾唔到我嘅booking！Book餐厅咁耐都系第一次发生呢个情况，激到我呢😡！正午时分条街好热，只想快快揾个有冷气嘅地方坐低，见对面呢间阿根廷餐厅几有格调，所以就即刻跳入去。餐厅以黄色同啡色为主，周围有好多唔同嘅画做装饰，再加上泛黄嘅灯光，感觉好relaxed。咁啱呢个时间未有其他客人，所以份外宁静，有啲似去咗外地旅行咁✈️。佢嘅lunch set选择唔算多，价钱由$88~$248不等，包括汤/前菜，主菜，同埋饮品。朋友拣左蕃茄汤，味道好酸，饮咗两啖就放弃了。面包偏硬，冇乜特别嘅味道。黎得阿根廷餐厅，我就拣咗佢嘅特色前菜 - 角仔去试吓。谂住同朋友分享，拎把刀去切开时已心知不妙，因为好硬好难切。食落去个皮好厚粉，入面似系一啲牛肉碎嘅馅料，味道唔太突出。我之前冇食过阿根廷菜，真系唔知呢样小食口感系咪咁😐。主菜我哋叫咗肉眼扒配薯蓉，我要五成熟，中间位置还可以，但周边就过熟。不
𠮶日同朋友去Soho食lunch，本身Book咗一间法国餐厅，点知去到侍应竟然话揾唔到我嘅booking！Book餐厅咁耐都系第一次发生呢个情况，激到我呢😡！正午时分条街好热，只想快快揾个有冷气嘅地方坐低，见对面呢间阿根廷餐厅几有格调，所以就即刻跳入去。
餐厅以黄色同啡色为主，周围有好多唔同嘅画做装饰，再加上泛黄嘅灯光，感觉好relaxed。咁啱呢个时间未有其他客人，所以份外宁静，有啲似去咗外地旅行咁✈️。
佢嘅lunch set选择唔算多，价钱由$88~$248不等，包括汤/前菜，主菜，同埋饮品。
朋友拣左蕃茄汤，味道好酸，饮咗两啖就放弃了。面包偏硬，冇乜特别嘅味道。
蕃茄汤
20 浏览
0 赞好
0 留言
面包
23 浏览
1 赞好
0 留言
黎得阿根廷餐厅，我就拣咗佢嘅特色前菜 - 角仔去试吓。谂住同朋友分享，拎把刀去切开时已心知不妙，因为好硬好难切。食落去个皮好厚粉，入面似系一啲牛肉碎嘅馅料，味道唔太突出。我之前冇食过阿根廷菜，真系唔知呢样小食口感系咪咁😐。
阿根廷角仔
26 浏览
0 赞好
0 留言
主菜我哋叫咗肉眼扒配薯蓉，我要五成熟，中间位置还可以，但周边就过熟。不太食到牛扒嘅香味，不过百几蚊嘅价位黎讲都系差不多，薯蓉就普普通通。
朋友要咗七成熟，成块就好老好靭。
肉眼扒
58 浏览
0 赞好
0 留言
唯一要赞嘅系外国侍应姐姐，有好几台客但楼面得佢一个，佢招呼都好到位同有礼貌。我同朋友揾佢帮忙影合照，佢仲好主动咁帮我地用唔同角度影左几张，话等我哋可以自己拣下㖞🥰。
其实呢度嘅环境同埋服务都不俗，尤其唔会俾人赶走，但食物质素真系麻麻。如果要吸引多啲客人，食物方面似乎要下一点功夫了。
张贴
