影片
更多
2014-06-19
688 浏览
本来唔想再在这里留言,因我要显示的名称是中文(立逃远) ,不是英文字,曾联络要求贵网更改,又冇回覆, 但遇到这家食肆很想介绍比大家,所以再留多一会 .因在之前知道这家店休星期一,所以在星期日去,下午三点去到,门口排咗几个人,门外有开枱有人坐,舖内巳坐满人,谂住等一阵,听到原来乜都冇,卖哂!得油渣重要等半粒钟,开下午十二点㖞?三点冇货卖?唯有黯然离开 ,到星期二再去,家住东九尃登去.星期二下午两点三到,见门口有几个人等外卖,舖内巳满 ,坐咗十四人,外面不能开枱,刚有人走,有一个位,即刻坐低,望一望环境,事头婆好忙,女楼面新手,枱都未识执,而客人呢?其他客人有九个人未有嘢食,唔计我呀!跟住又有客人进来,事头婆叫佢唔好嚟啦,好忙做唔切,冇卤水大肠,油渣暂停要等廿分钟,吓 !!??另一个客人入嚟,佢对客人话:你迟半个钟再嚟啦,哗!!!真系开中午十二点㖞,两点几冇货卖 ?用乜嘢角度,态度做生意呀?写住濶别八年,再度重来,巳前点做架?而家又做紧乜呀 ?坐低等咗廿五分钟,女楼面诚惶诚恐,走住问住,你叫咗嘢未?我都唔想答佢 ,话佢知,我知你哋现在环境冇 乜嘢卖,等你有嘢卖先啦,再等五
因在之前知道这家店休星期一,所以在星期日去,下午三点去到,门口排咗几个人,门外有开枱有人坐,舖内巳坐满人,谂住等一阵,听到原来乜都冇,卖哂!得油渣重要等半粒钟,开下午十二点㖞?三点冇货卖?唯有黯然离开 ,到星期二再去,家住东九尃登去.
星期二下午两点三到,见门口有几个人等外卖,舖内巳满 ,坐咗十四人,外面不能开枱,刚有人走,有一个位,即刻坐低,望一望环境,事头婆好忙,女楼面新手,枱都未识执,而客人呢?其他客人有九个人未有嘢食,唔计我呀!跟住又有客人进来,事头婆叫佢唔好嚟啦,好忙做唔切,冇卤水大肠,油渣暂停要等廿分钟,吓 !!??另一个客人入嚟,佢对客人话:你迟半个钟再嚟啦,哗!!!真系开中午十二点㖞,两点几冇货卖 ?用乜嘢角度,态度做生意呀?写住濶别八年,再度重来,巳前点做架?而家又做紧乜呀 ?
坐低等咗廿五分钟,女楼面诚惶诚恐,走住问住,你叫咗嘢未?我都唔想答佢 ,话佢知,我知你哋现在环境冇 乜嘢卖,等你有嘢卖先啦,再等五分钟,有翻油渣,咁我就老实唔客气,食住个势,提出我要求,要幼面,佢话冇 ,好,粗都要嚟,我而家要净面,净油渣,净菜甫,净汤,其实咪就系捞面啰!呢类食肆好似唔兴捞面,我喜欢这种食法,亦向大家推荐可以试一吓这食法.
三点十分面到;冇个性的上海面,汤好;面就好,佢做到咗,油渣;系脆嘅𠮶种,佢做到酥脆,正,难得,相比起英记同周记又唔同体会,英记卖的是辣油,周记卖的是辣大头菜粒,不能以淋嘅油渣同脆嘅相比,咁唔公平,巳前在深水埗,青山道𠮶间金满仔都喺用脆渣又喺好正,间嘢主打手作面,好食,巳执笠,香港除了这家老三用脆渣外,不知那里还有这种美食?品尝美食其间,那个半个钟客人真的回来,佩服,见到自已影子,另一个客人亦回来叫外卖,哗哗!!敬佩呢间舖嘅美食,我又叫咗韮菜大肠,同鱼翅,鱼翅冇,个楼面话冇两𩠌,定要三𩠌连猪红,唯有照要啦,
!佢哋大肠分清汤及卤水,头先卖哂喺卤水,事头婆见我唔食猪红,问点解,我照讲,佢话个楼面唔识,可以要两𩠌,要扣翻钱,真老实,韮菜渌得啱啱好唔韧,大肠唔韧唔太淋好味,同鸭记北河𠮶间比,呢间味精少D,好味D,又贵D,我重要嚟多个 ,嗱同大家讲呢间嘢,你要有时间多先好去食,由落柯打到有得食要廿分钟起,佢系一碗一碗去煮,一个人去煮哂所有嘢,佢果D煎酿三宝,停止生产,咖喱鱼旦唔一定有,粉果睇彩数,卤水限量版,佢个脆油渣就算要等我都会专登再去,值得.
星期一休息,开中午十二点,电话6736 2623无订坐,位置新山道,谭公道交界,食物款式似多实少,位少,一架十六坐小巴巳坐爆,净系得事头婆亲切,主打好食有特式,唔知边度重有,交通方便,留意试吓捞面食法.
张贴