海街丼 (海光街) (已搬遷) 新店位置

近排工作压力大，放工一定系揾朋友食好野减压！今次拣左港岛区，听朋友推介，啲海鲜系日本直送，十分新鲜，试一试系咪真既先！海宝丼。听店员讲解，有一碗好似啫喱既系寿司醋果冻，可以跟自己喜好加落丼入面。而旁边仲有支保温瓶，入面系鱼汤，食到最后加入丼变茶渍饭。听完觉得好抵食因为食到三款唔同味道既丼首先唔加任何野，食丼既原味，不得了，好鲜味！有好多鱼生但都食到唔同鲜味，好励害。之后有加少少寿司醋，变左好似食寿司咁，鲜味无咁直接，有点小清新。最后就是加上鱼汤，变左茶渍饭之后鱼汤变左主要味道，浓浓既鱼味加上熟左既海鲜，双重鲜味又系另一风味。最重要系大家钟意食边款就食边款，食多食少自己去选择，唔同人都满足到。海宝天妇罗丼。新鲜海鲜系佢地特色，但呢款天妇罗都唔差，炸粉唔厚，另外天妇罗汁系店家自制，味道同天妇罗好夹。不过个海宝丼实在出色，令个天妇罗丼比下去有点失色。