影片
更多
2021-11-09
527 浏览
一直都去唔同地方试Burger，冇理由唔试Shake Shack架？虽然好多人话唔值去，但最后都系去左。叫左Shack Burger $54，Cheese Fries $36。首先Burger个size大约系M记普通汉堡包咁大（即系好细）；个汉堡好薄但又唔系一块完整肉饼而系碎湿湿但又唔散𠮶种。斋食个肉系冇味（冇肉味又冇调味）而且略鞋、冇肉汁，虽然已经唔系全熟；个酱正常ok；个包，竟然仲细过块肉，偏薄，系淋唔系软，唔知系湿哂定本身咬落已经系咁，唔似包嘅质感，可能有少少pancake质地添。第一啖咬哂成个Burger就可以忽略头先嘅缺点，因为啲酱有味，补番肉嘅冇味同干鞋。到薯条，我竟然仲嘥钱叫左cheese。首先我就咁试一条冇掂到酱，唔香，好干，微脆（脆度可接受），再试埋连酱，都系起唔到作用。个酱好似超市买嘅罐装芝士酱咁，系膏状唔系流动嘅，挂唔住啲薯条。一路食，个感觉就好似喺旧式茶餐厅卖𠮶啲炸薯条咁，吹两吹已经冻哂，更加难食。整体而言，喺美国唔知系咪好食好多，如果唔系，呢个价好多间Burger店都好食好多倍。唔怪得成间野入坐率得1成。
虽然好多人话唔值去，但最后都系去左。叫左Shack Burger $54，Cheese Fries $36。
首先Burger个size大约系M记普通汉堡包咁大（即系好细）；个汉堡好薄但又唔系一块完整肉饼而系碎湿湿但又唔散𠮶种。斋食个肉系冇味（冇肉味又冇调味）而且略鞋、冇肉汁，虽然已经唔系全熟；个酱正常ok；个包，竟然仲细过块肉，偏薄，系淋唔系软，唔知系湿哂定本身咬落已经系咁，唔似包嘅质感，可能有少少pancake质地添。
第一啖咬哂成个Burger就可以忽略头先嘅缺点，因为啲酱有味，补番肉嘅冇味同干鞋。
到薯条，我竟然仲嘥钱叫左cheese。首先我就咁试一条冇掂到酱，唔香，好干，微脆（脆度可接受），再试埋连酱，都系起唔到作用。个酱好似超市买嘅罐装芝士酱咁，系膏状唔系流动嘅，挂唔住啲薯条。
一路食，个感觉就好似喺旧式茶餐厅卖𠮶啲炸薯条咁，吹两吹已经冻哂，更加难食。
整体而言，喺美国唔知系咪好食好多，如果唔系，呢个价好多间Burger店都好食好多倍。唔怪得成间野入坐率得1成。
Cheese Fried+Shack Burger
$90
23 浏览
0 赞好
0 留言
张贴
