家全七福 (粵海華美灣際酒店)

营业中

休息中

昨晚一家十口来食晚饭，之前见到有人网上介绍话佢啲嘢好食，所以订枱嚟试吓，一入到餐厅，环境唔错，服务员个个都好Nice，好好招呼，打开餐牌，咦，酒店价钱㖞，蔬菜类平均要$200至$300一碟，肉类平均要$300至$400一碟，同我去平时去开酒店𠮶啲中菜厅差唔多价钱，对佢有所期望，叫咗八个𩠌，上咗头几个𩠌都好兴奋拍照，食落样样𩠌都煮得好普通，甚至乎难食，之后连影相都冇心机，因为一定唔会有下次！总括嚟讲，酒店价钱，普通酒楼水准，味道好一般，大部份𩠌都偏淡，引起唔到食欲𠮶种，完全系浪费金钱同埋时间！