影片
更多
2010-08-11
43 浏览
上星期某天师傅同师妹一同晚饭, 身处旺角但又谂唔到食咩好, 师傅忽然问一问师妹有冇试过西门丁? 师妹话从未试过, 于是师傅就话去呢间食晚饭医肚, 不过有一个附带条件就系要唔多人! 去到食店, 细看之下发现都几爆, 呢间食店出晒名地方浅窄, 加上师傅有番咁上下身位, 于是即闪!由于师傅已经饿到不堪, 加上其时已经系晚上九点几, 咁啱见到呢间食店又好耐都冇黎过, 于是便揾呢间食店作为晚餐; 入到去食店, 虽然九点几, 但都依然几多人, 可幸就是唔使等位! 师傅一坐底就望住枱面张餐单, 而好肯定师傅个样一定好似d外母见女婿咁样, 口水系咁流, 又话要食这样, 那样, 呢样, 𠮶样咁, 真系成只饿狗咁! 最后谂得清清楚楚后, 师傅就决定柯打娘惹咖哩牛肉饭, 而师妹就事先声明要沙爹牛肉汤粉丝, 于是再同师妹商量后柯打多三款小食, 分别系芝焗一口贝, 鲜茄芝士焗饺子同埋炸虾饼! 饮品师傅就拣左青苹果绿茶, 至于师妹呢? 师傅已经唔记得了, 事关佢饮咩对师傅已经唔重要了!食物真系唔使等好耐, 当然最先到嘅梗系师傅嘅娘惹咖哩牛肉饭, 二话不说即刻开餐,娘惹唔娘惹呢? 师傅就唔多清楚, 皆因师傅甚少吃南
由于师傅已经饿到不堪, 加上其时已经系晚上九点几, 咁啱见到呢间食店又好耐都冇黎过, 于是便揾呢间食店作为晚餐; 入到去食店, 虽然九点几, 但都依然几多人, 可幸就是唔使等位! 师傅一坐底就望住枱面张餐单, 而好肯定师傅个样一定好似d外母见女婿咁样, 口水系咁流, 又话要食这样, 那样, 呢样, 𠮶样咁, 真系成只饿狗咁!
最后谂得清清楚楚后, 师傅就决定柯打娘惹咖哩牛肉饭, 而师妹就事先声明要沙爹牛肉汤粉丝, 于是再同师妹商量后柯打多三款小食, 分别系芝焗一口贝, 鲜茄芝士焗饺子同埋炸虾饼! 饮品师傅就拣左青苹果绿茶, 至于师妹呢? 师傅已经唔记得了, 事关佢饮咩对师傅已经唔重要了!
食物真系唔使等好耐, 当然最先到嘅梗系师傅嘅娘惹咖哩牛肉饭, 二话不说即刻开餐,娘惹唔娘惹呢? 师傅就唔多清楚, 皆因师傅甚少吃南洋菜, 所以师傅亦不敢莽下判断, 纯粹当咖哩牛肉饭讲会好少少, 咖哩味唔算香, 入口唔辣, 可幸尚有少少椰香, 而汁底亦不太杰不太稀, 配白饭亦算不错; 而牛肉薄薄的, 十分松身, 整份咖哩牛肉饭都算合格! 师傅亦有幸试到少少沙爹牛肉汤粉丝, 仲要系头啖汤添, 真的多谢师妹割爱; 师傅轻轻后汤面上取了一匙沙爹汤, 发觉沙爹汤底十分香浓, 入口甚为惹味, 再试粉丝亦甚为烟韧, 加上吸收到沙爹汤底, 所以入粉丝亦十分美味; 但系师妹食到一半竟然要攞盐, 间接证明沙爹汤系虚有其表, 表里不一, 下次试食一定要食够半先好下定论呀!
而小食芝焗一口贝一碟有八大只, 真系八大只, 壳呀嘛, 如果冇带眼镜, 𠮶粒贝随时细到你睇唔到; 一口贝真系一口都冇, 好似师傅咁大个口, 一次放晒八只入口都仲有大把位呀; 最重要系肉身唔鲜甜, 当然几草野亦不能寄望太高, 失望在于食唔到有芝士味, 反而好浓烈嘅奶味比芝士还要多, 如果叫奶焗一口贝师傅会觉得更加贴切; 鲜茄芝士焗饺子一碟约有六件, 鲜茄芝士焗饺子嘅芝士味甚重, 所以几香, 加上鲜茄亦十分新鲜, 捞埋一齐就份外鲜味同香浓, 就算饺子馅料再差亦一样好吃; 不过饺子水准亦不赖, 十分干身, 馅料里洋葱味甚重, 十分惹味, 就连师傅唔食洋葱亦觉不错, 呢度菜值得一试; 最后炸虾饼就比较油, 入口颇爽口, 整体亦算普普通通, 接受到! 而青苹果绿茶冇大惊喜, 纯粹想饮, 不值一提!
总括黎讲食物质素尚可, 环境普通, 服务态度一般 , 价钱都接受到, 两个人食五样野, 两杯饮品, 埋单二百一, 平均每一样都系三十蚊, 算得上抵食! 呢间餐厅有主题架, 海盗餐厅, 顶瘾哩? 师傅如果化行妆扮晒海盗咁黎应该会开心好多添, 以主题餐厅黎讲一佢嘅价钱都算相宜喇; 笑脸暂时比唔到喇, 不过有机会都可以再黎, 至少冇惊喜所以亦冇失望!
张贴
