影片
更多
2012-05-20
233 浏览
"谭仔", 我由佢喺深水埗一间细细间的舖头仔, 食到而家有40间的加盟集团, 一直我都觉得佢有信心的保证. 不过黄大仙呢间分舖改变我的谂法, 以后唔可以净系话谭仔就OK, 要睇吓系边间谭仔... 事源黄大仙有咗谭仔后, 亚妈久唔久都话去食, 见今日谂住喺黄大仙食午饭, 就去试吓, 反正谭仔㖞, 应该正常嘢 (我心谂...) 点知出事了...我地一行4个人, 12点到, 啱啱有位... 我建议叫一碗大米线, 再加两碗两𩠌4个人食. 大米线来了, 除了𩠌的款式多了, 分量同其他两碗差唔多... 我地问亚姐点解咁少??? 亚姐漫不经心地回应"系咁架㖞" 我就以为呢间的分量唔同啦, 而亚妈都未试过叫大碗米线, 佢见得咁少, 都有点不满地UM住话唔抵食... 结果我地决定要叫多一碗一𩠌米线系2个女人食一碗大,一碗正常先够。去到呢到我都只系谂... 唉, 地区问题啦, 呢到竞争少, 价钱又唔可以太高, 分量可能因为咁而少啲都冇法啦...当一开始食, 捞起啲腩肉一睇, 哗! 绝对系猪肉乱斩一通, 又鞋又斩唔断, 仲要唔好味. 𩠌系一个问题, 有咩理由一间买米线的舖头, 米线可以咁差, 硬得
事源黄大仙有咗谭仔后, 亚妈久唔久都话去食, 见今日谂住喺黄大仙食午饭, 就去试吓, 反正谭仔㖞, 应该正常嘢 (我心谂...) 点知出事了...
我地一行4个人, 12点到, 啱啱有位... 我建议叫一碗大米线, 再加两碗两𩠌4个人食. 大米线来了, 除了𩠌的款式多了, 分量同其他两碗差唔多... 我地问亚姐点解咁少??? 亚姐漫不经心地回应"系咁架㖞"
我就以为呢间的分量唔同啦, 而亚妈都未试过叫大碗米线, 佢见得咁少, 都有点不满地UM住话唔抵食... 结果我地决定要叫多一碗一𩠌米线系2个女人食一碗大,一碗正常先够。去到呢到我都只系谂... 唉, 地区问题啦, 呢到竞争少, 价钱又唔可以太高, 分量可能因为咁而少啲都冇法啦...
当一开始食, 捞起啲腩肉一睇, 哗! 绝对系猪肉乱斩一通, 又鞋又斩唔断, 仲要唔好味. 𩠌系一个问题, 有咩理由一间买米线的舖头, 米线可以咁差, 硬得嚟唔爽, 应该系出唔够水就摆咗喺度好耐, 出水后又冇用冻水冲过, 明显系冇心机做好的结果.
都仲未够 食到一半, 见到隔离枱一家三口, 囝囝大概6-7岁, 叫咗两碗大米线, 一碗两𩠌... 我就谂... um... 佢地都知分量少, 所以叫咁多. 点知一嚟, 哗!!! 多我𠮶碗成倍, 真系我喺第二间谭仔食开的分量 忍唔住搭讪, "你碗米线好大碗㖞" 爸爸就话"系啰, 上次嚟叫好细碗, 所以咪叫两碗大, 鬼整今次咁大碗",死未~Well, 迷底解开了, 根本就系乱嚟
再望吓出面, 12:30未够, 已经好多人喺门口等位, 佢食唔死人都有人帮衬, 驶咩整得好食, 驶咩有心机做???
不过, 我最接受唔到呢啲态度的食肆, 宁愿行远啲, 冇得食, 都唔会再嚟!
张贴
