相撲手日式放題 (已結業)

间唔中系尖沙咀返工，都有听过相扑手放题食物质素唔错，终于今晚有机会来试下！首先立即来一盘鱼生，种类款式都好多，每片鱼生厚度都好平均，三文鱼好新鲜，带子非常鲜甜，不知不觉食左好多，最令我惊喜系居然有生蚝，好少放题系有生蚝，仲要没有限多少，食多几只可以回本！接著就来几款卖相几靓的寿司，一来就食左件生牛肉寿司，估唔到牛肉中间有泡菜，所以味道变得酸酸辣辣，好有趣的味道。跟住食左有个用酥皮做既寿司，酥皮中间一样有少少饭，上面就有少少三文鱼，酥皮比较硬，麻麻地好食。来到热食先来一个炖蛋，热辣辣又有蛋香，食到底仲有只虾，接著烧物就到，串烧及羊架，还有焗蚝，焗蚝好好味，蚝上面有个芝士汁，令到焗完只蚝唔会干身，仍然食到蚝的鲜甜味，值得推介。食食下有店员拎左碗汤过黎话系送的，汤都足料，萝卜、粟米，足料够晒甜，仲有啲咸，不过热辣辣的汤几正，食左咁多寿司，可以中和下！最后叫左天妇罗，最特别的一种天妇罗就是天妇罗Oreo！即是炸Oreo，真的没有食过，几有趣，Oreo外层像是多了酥皮！